Kreu i grupit Wanger sulmon verbalisht ministrin rus të Mbrojtjes: Nuk na jep municion dhe armatime! Po punon për armikun

Yevgeny Prigozhin, themeluesi i grupit mercenar rus ‘Wagner’, ka akuzuar ministrin rus të Mbrojtjes, Sergei Shoigu, që luftëtarëve të tij po ua zvogëlon sasitë e municionit me qëllim.

Ky reagim vjen në kohën kur janë rritur tensionet mes Prigozhinit dhe pjesës tjetër të elitës ruse.

Në një audio-incizim prej shtatë minutash që është publikuar dje, i nervozuar dhe plotë emocione Prigozhin tha se nga ai po kërkohet që të jetë “i dëgjueshëm” nëse dëshiron të sigurojë municion dhe armë për trupat e tij.

“Nuk po mundem ta zgjidh këtë problem pavarësisht lidhjeve dhe kontakteve që i kam”, tha kreu i Wagnerit i cili gjatë audio-incizimit fliste me ton të lartë dhe vazhdimisht ofendonte.

Sipas tij, prodhimi ushtarak rus është i mjaftueshëm për të furnizuar forcat që luftojnë në front, dhe se vështirësitë e furnizimit me të cilat përballen luftëtarët e tij janë rezultat i vendimeve të marra me qëllim.

“Ata që na pengojnë në përpjekjen për të fituar këtë luftë, janë absolutisht, drejtpërdrejt duke punuar për armikun”, tha ai.

Lajmi kryesor:

1 vit pushtim në Ukrainë, Biden: Kiev reziston, por në rrezik është liria! Putin evokon kërcënimin bërthamor: Le të pezullojmë traktatin 'New Start'

B.V/Shqiptarja.com

TAG:
• WANGER
• rusia sulmon ukrainen