KOSOVË- Diskutimi lidhur me dialogun mes Kosovës dhe Serbisë vazhdon të jetë një temë e “nxehtë”.
Ditët e fundit në mediat serbe është bërë me dije se SHBA-ja dhe BE do t’i dërgojnë një letër presidentit serb Aleksander Vuçiç për njohjen e Kosovës nga Serbia.
Lidhur me këtë çështje ditën e sotme ka folur edhe kreu i Kuvendit serb, Ivica Daçiç ku tha se një letër e tillë do të ishte humbje kohe. Ai shtoi se Serbia është gati për dialogun me Kosovën por kjo nuk nënkupton njohjen.
“Është përmendur një letër jo zyrtare, për të imponuar njohjen e Kosovës. Ata nuk duhet të vijnë me një gjë të tillë tek Vuçiç, s’ka nevojë që askush të humb kohë me gjëra të tilla. Ne kemi thënë qindra herë se duam dialog dhe kompromis, por kjo nuk nënkupton që ta njohim Kosovën”, tha Daçiç.
Kreu i Kuvendit serb shtoi se Kosova nuk mund të anëtarësohet në asnjë organizatë ndërkombëtare, pasi edhe shumë vende të tjera anëtare të Kombeve të Bashkuara nuk e njohin si shtet.
Sipas tij Serbia është një partner konstruktiv, i besueshëm dhe përmbush detyrimet e saj, ndërkohë që Kosova ka treguar një mendjelehtësi dhe mungesë dëshire për të arritur një marrëveshje.
Negociatat e mbështetura nga BE-ja çuan në Marrëveshjen e Brukselit në vitin 2013 për normalizimin e marrëdhënieve mes Kosovës dhe Serbisë. Në bazë të marrëveshjes ishte premtimi se asnjëra nga palët nuk do të pengonte tjetrën në procesin e anëtarësimit në BE.
Përpjekjet për normalizimin e marrëdhënieve mes dy vendeve vazhduan edhe më tej me shtysën e ndërkombëtarëve dhe më 4 shtator të vitit të 2020 nga 2 palët u firmos marrëveshja e Uashingtonit, e ndërmjetësuar nga SHBA-ja dhe ish-presidenti Donald Trump. Në thelb kjo marrëveshje kishte normalizimin e ekonomik, ndërkohë aktualisht dialogu Kosovë-Serbi është pezulluar për shkak edhe të zhvillimeve politike në Kosovë.
Përpjekjet për vazhdimin e dialogut mes dy shteteve është e vazhdueshme edhe nga ndërkombëtarët, megjithatë ende nuk është iniciuar zyrtarisht asnjë përpjekje nga palët.
Komente
Lajme të tjera
-
Ministri Vengu takime me zyrtarë të lartë në SHBA: Shqipëria e angazhuar për forcimin e bashkëpunimit në mbrojtje dhe sigurinë globale
23 Nëntor, 19:32 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
BOKS/ Alban Beqiri dhe Besian Karaj kampion të Ballkanit për peshat 67 dhe 71 kg, fitojnë mes Serbisë
23 Nëntor, 15:57 -
Alban Daci: Lufta III Botërore?
23 Nëntor, 15:23
-
Shefi i NATO-s takohet me Trumpin në Florida
23 Nëntor, 12:35 -
Presidentja e Parlamentit të BE-së: Gjermania duhet t’i dërgojë Ukrainës raketa Taurus
23 Nëntor, 10:27 -
Reuters: Trump mund të emërojë Richard Grenell të dërguar të posaçëm për konfliktin mes Rusisë dhe Ukrainës
23 Nëntor, 10:20 -
‘Shikoni si bërtasin, para se të vdesin’, kush është Erald Alimehmeti, shqiptari i arrestuar në SHBA si përkrahës i ‘ISIS’
23 Nëntor, 10:01 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
Donald Trump zgjedh një drejtues homoseksual për Sekretar të Thesarit! Kush është Scott Bessent, punoi për fondacionin e Soros
23 Nëntor, 08:20 -
EMRI/ Akuzohet për mbështetje të Shtetit Islamik, arrestohet shqiptari në New York! Edhe i vëllai i dënuar me 22 vite burg për terrorizëm në SHBA
23 Nëntor, 08:13 -
Drejtori ekzekutiv i Komandës Kibernetike të Amerikës: Hakerët kinezë po përgatiten për konflikt me Shtetet e Bashkuara
23 Nëntor, 08:03
Z.Dacic,Kosova nuk eshte Palestine dhe ju nuk jeni Izrael! Kosova e ka fituar pavarsine dhe juve do t'ju duhet disa kohe,ndoshta 100 vjet a me shume, t'ju mbushet rradakja ballkanike,e t'ju ndryshoje mendesia turko-sllave, qe nuk jeni me ne kohen e Stefan Dushanit e mbreterise se tij. Por kthim mbrapa nuk ka me dhe ju heret a vone,me hir a me pahir, keni per t'a njohur pavaresine e saj!
PërgjigjuGjuha Shqipe duhet të merret në Ruajtje nga UNESCO!
PërgjigjuKush ka dy pare mend,e di!..duhet forcuar shteti e Ushtria Shqiptare...!Mbrojtja e AtDheut Detyrë mbi Detyrat!
Përgjigju