Ndërkohë që procesi i vaksinimit në Shqipëri po vijon me dy lloje vaksinash, me Pfizer dhe AstraZeneca, qeveria i ka hapur rrugën negociatave për sigurimin e vaksinave Ruse dhe Kineze. Përfaqësuesi i ri i OBSH në Shqipëri, Gerald Rockenschaub në një intervistë për Report Tv thotë se OBSH rekomandon përdorimin e vaksinave që janë të regjistruara për përdorim emergjent nga OBSH.
"Ajo që mund të themi si OBSH është që ne rekomandojmë vaksinat që janë të regjistruara për përdorim emergjent nga OBSH-ja dhe për momentin kemi tre vaksina që janë të regjistruara që është Pfizer, Astrazenca dhe Johnson & Johnson ndërkohë që ka disa vaksina të tjera që janë akoma në procesin e vlerësimit për tu regjistruar përfshirë edhe disa nga emrat e vaksinave që ju sapo përmendët", tha përfaqësuesi i ri i OBSH në Shqipëri.
Ndërsa shpjegon se AstraZeneca është një vaksinë e sigurt, përfaqësuesii OBSH në Shqipëri thotë se benefitet e saj i tejkalojnë rreziqet që mund të paraqesë.
"Siç e kemi parë EMA (Agjensia Europiane e Barnave) mori një vendin për AstraZeneca ku tha që është e sigurt dhe efektive. Ajo që mund të themi me siguri të plotë është që përfitimet që vijnë nga përdorimi i AtraZeneca i tejkalojnë rreziqet që mund të paraqesë vaksinimi me AstraZeneca", tha ai.
Kreu i ri i OBSH në Shqipëri tha se plani ambicioz i qeverisë shqiptare për të përfunduar procesin e vaksinimit në 14 muaj, varet dhe nga disponueshmëria globale e vaksinës.
"Mesa kemi pare qeveria ka një plan goxha të përpunuar mirë në nivele të hollësishme edhe për të trajtuar të gjitha grupet e ndryshme të popullatës që duhet të vaksinohen. Arritja e objektivit për 14 muaj varet edhe nga qarkullimi i sasisë globale të vaksinave sepse kemi parë që ka një lloj mungesash ose kapacitetesh jo të plota për vaksinat", tha ai.
Sa i përket menaxhimit të pandemisë në vendin tonë, Rockenschaub tregon se rastet në Shqipëri kanë qenë në ulje, por është gjithmonë mirë që të ketë një rishikim të masave.
"Çdo herë është mirë që nëse ke një proces që është duke u zhvilluar, është mirë që ta rishikosh procesin dhe të marrësh masat më të mira të mundshme. Rastet në Shqipëri kanë qenë në ulje, situata ka qenë në përmirësim por siç e keni vënë re ka një variant të ri, ka raste të reja në rritje në vendet që na rrethojnë, kështu që është gjithmonë mirë që të rishikohen masat dhe të kemi mundësi që ta trajtojmë sa më mirë të gjithë situatën", tha ai
Rockenschaub tha se fundi i pandemisë ende nuk dihet, por jo gjithçka mbetet në dorë të vaksinës.
"Duhet të jemi të qartë që patjetër që plani i vaksinimit është shumë mirë që ka filluar, por duhet të jemi të qartë që kjo nuk është masa e vetme që na shërben për të luftuar pandeminë. Është një grup veprimesh që duhet ti bëjmë të gjitha, përshirë masat për kontrollin e sigurisë së shëndetit publik, siç janë mbajtja e maskës, distancimi social, qëndrimi në mjedise të ajrosura mirë, shmangia e grumbullimeve. Kohët e fundit ka dhe një përpjekje për të vënë më shumë në përdorim mjete të reja testuese që ndihmojnë për ta menaxhuar sa më mirë pandeminë. Pra zbatimi i të gjitha këtyre masave së bashku është një përgjigje për pandeminë, por se kur do të mbarojë nuk ka një përgjigje", tha ai.
Gerald Rockenschaub, që prej datës 22 shkurt 2021 është përfaqësuesi i ri i OBSH në Shqipëri.
Lajme të tjera
-
Jemen/ Izraeli bombardon aeroportin e Sanas, kreu i OBSH i mbijeton sulmit dhe rrëfen tmerrin: Po hipnim në avion, u plagos anëtari i ekuipazhit, 2 të vdekur!
26 Dhjetor, 17:02 -
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47 -
I nxehtë përvëlues ‘pushton’ Australinë, temperatura arrijnë deri në 47 gradë celsius
16 Dhjetor, 16:10 -
Cikloni apokaliptik Chido në Mayotte, viktimat mund të jenë me mijëra, 1,7 mln njerëz në rrezik
16 Dhjetor, 10:38 -
OBSH: Shqiptarët 59.7% të shpenzimeve nga xhepi në shëndetësi! Koçiu: 130 milionë euro për rimbursimin e ilaçeve me buxhetin e 2025
12 Dhjetor, 16:34 -
Organizata Botërore e Shëndetësisë në alert! Sëmundja misterioze në Kongo shkakton dhjetëra vdekje, prek kryesisht të rinjtë! Simptoma të ngjashme me Covid-19
6 Dhjetor, 16:37 -
Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH
2 Nëntor, 17:15 -
Studimi global ngre alarmin e miopisë tek fëmijët, celularët dhe pajisjet e tjera po i verbojnë! Okulisti: 4 në 10 fëmijë shfaqin probleme
5 Tetor, 18:14
-
Nis projekti për eliminimin e pajisjeve matëse me mërkur nga sistemi shëndetësor shqiptar
19 Shtator, 20:16 -
Kina arrestoi stafin e AstraZeneca për aktivitete të mundshme të paligjshme, bien me 2,8% aksionet e kompanisë në bursë
5 Shtator, 22:47 -
Prodhoi vaksinat kundër Covid-19, Kina arreston disa punonjës të AstraZeneca
5 Shtator, 21:27 -
STUDIMI/ Ja çfarë i ndodh trupit tuaj, nëse konsumoni arrë kokosi çdo ditë! Një nga frutat më të rekomandueshëm edhe nga OBSH
1 Shtator, 18:17
