Kreu i 'Wagner' deklaratë të papritur, Prigozhin: Putini të ndalë operacionin ushtarak në Ukrainë

Kreu i mercenarëve rusë të Wagner-it, Yevgeny Prigozhin, i ka propozuar presidentit rus Vladimir Putin që të ndërpresë luftën në Ukrainë dhe të fokusohet në konsolidimin e pranisë ruse në zonat e pushtuara. Mesazhi i tij, i shpërndarë nga zyra e tij e shtypit në Telegram dhe i rilançuar nga Ukrainska Pravda, "kuzhinieri i Putinit", siç është quajtur me nofkë, shpjegon se "kundërofensiva e radhës ukrainase ka më shumë gjasa të ketë sukses sesa të dështojë". Rrjedhimisht, shkruan Prigozhin, "për autoritetet dhe për të gjithë shoqërinë, është e nevojshme t'i jepet një formë fundi kurajoz operacionit ushtarak special".

"Opsioni ideal është të shpallë fundin e operacionit special ushtarak dhe të informojë të gjithë se Rusia i ka arritur objektivat e saj", tha kreu i Wagner.

Lajmi kryesor:

Lufta / Polonia bllokon hyrjen e grurit nga Ukraina: Ndalojmë importet, dëm i madh për fermerët tanë

K.T./Shqiptarja.com

TAG:
• rusia sulmon ukrainen
• lufta ne ukraine
• Jaroslaw Kaczynski
• poloni