Krim i rëndë në Itali, futbollisti vret me çekiç ish-të dashurën 56-vjeçare! E përndiqte prej kohësh

Krim i rëndë në Itali, futbollisti vret me çekiç ish-të dashurën 56-vjeçare! E përndiqte prej kohësh

Alessandra Matteuzzi dhe Giovanni Padovani

ITALI- Alessandra Matteuzzi, një grua 56-vjeçare italiane u godit për vdekje nga ish i dashuri i saj, futbollisti 27-vjeçar Giovanni Padovani, i arrestuar tashmë.

Policia njoftoi këtë të mërkurë se viktima u godit me një çekiç. Autori 27-vjeçar, Giovanni Padovani, u arrestua për vrasjen e 56-vjeçares sapo policia mbërriti në vendngjarje.

Krimi i rëndë ndodhi në oborrin e banesës së 56-vjeçares në periferi të Bolonjës.

27-vjeçari mendohet se ka fluturuar për në Bolonja nga Siçilia të martën dhe ka pritur viktimën në banesën e saj. Ai po e priste Sandrën para shtëpisë. Kur 56-vjeçarja u shfaq në derën e banesës ai fillimisht i bërtiti, dhe pas përplasjes e goditi për vdekje me çekiç duke e lënë të pajetë në trotuar.

Policia u njoftua nga fqinjët të cilët kishin dëgjuar britma. Ndërsa motra e viktimës tha për mediat italiane se ajo po fliste në telefon me Alessandrën , teksa ish- i dashuri i saj filloi ta sulmonte dhe motra e saj po bërtiste duke kërkuar ndihmë dhe duke i lutur 27-vjeçarit që mos ta godiste.

"Ajo po fliste në telefon me mua. Ajo doli nga makina dhe filloi të bërtiste: jo Giovanni, jo, të lutem, ndihmë. Isha në telefon, menjëherë thirra karabinierët që mbërritën me shpejtësi. Unë jetoj 30 kilometra larg. Në fund e goditi për vdekje”, u shpreh ajo.

Me të mbërritur policia, Padovani u vetëdorëzuar dhe akuzohet për vrasje me dashje.

56-vjeçarja kishte denoncuar Padovanin në fund të korrikut pasi lidhja e tyre përfundoi disa muaj më parë, por ai e përndiqte.

Padovani është një futbollist italian i nivelit të ulët dhe ish-model. I lindur në Senigallia (në provincën e Ankonës), ai  ka pasur një karrierë të shkurtër në Serinë D, ku luajti për Troina Calcio, Giarre dhe tani luante për klubin siçilian Sancataldese.

56-vjeçarja Matteuzzi ishte një agjente shitjesh për një kompaniveshjesh. Asaj i pëlqente të ndante shpesh foto në rrjetet sociale nga përditshmëria dhe udhëtimet e saj.

Viktima 56-vjeçare Alessandra Matteuzzi

S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Sulmi në Moskë, Ankaraja: ISIS-K u ndihmua nga shërbimet sekrete

Sulmi në Moskë, Ankaraja: ISIS-K u ndihmua nga shërbimet sekrete