Një krim i dyfishtë në familje ka tronditur qytetin e Ballshit në ditën e dytë të vitit 2019. Burri ka vrarë gruan dhe motrën e saj, pas një debati në familje. Viktimat janë Gentiana Caushaj 31-vjeçe, gruaja e autorit dhe motra e saj Merisa Caushaj 18-vjeçe, ndërsa Gazment Musta 34-vjeç është arrestuar menjëherë.
Sipas policisë së Fierit, autori ka qenë i dehur në momentin që i ka qëlluar me thikë për vdekje gruan dhe kunatën. Ngjarja e rëndë ka ndodhur rreth orës 17:30 minuta në banesën e çiftit në një pallat brenda qytetit të Ballshit. Burime për Report Tv pohojnë se shkak ka qenë kërkesa e 31-vjeçares për të shkuar tek prindërit e saj për festat.
Burri, i cili sapo ishte kthyer i dehur pas vizitës te prindërit e tij në fshat, nuk e ka lejuar gruan dhe pas sherrit ka marrë thikën duke qëlluar disa herë për vdekje fillimisht gruan, ndërsa më pas kunatën, e cila ndërhyri për të shpëtuar motrën, por mbeti edhe vetë e vdekur. Çifti ka dy fëmijë 3 dhe 7-vjeç, të cilët kanë qenë në banesë në momentin e ngjarjes, por jo në dhomën ku babai i tyre u vrau nënën dhe tezen.
“Para se të vinte në banesë ishte te prindërit për të festuar Vitin e Ri”. Kështu shprehet për autorin njëri nga fqinjët e familjes Musta në Ballsh pas ngjarjes pasditen e sotme. Jashtë kamerat ai thotë se familja ishte e qetë dhe se Gazmenti kishte dy ditë që ishte kthyer nga Greqia. “Vajzat i njihja, ishin njerëz shumë të mirë. Gëzonin respektin e fqinjëve. Burri ka punuar në Greqi, ndërsa kishte dy ditë që kishte ardhur dhe kishte qenë te prindërit në fshat për festat. Kur u kthye ka qenë i dehur’ tha ai.
Gazment Musta vrau me thikë gruan dhe kunatën e tij, Merisa Caushaj pas një debati. Këto janë fotot e autorit dhe të bashkëshortes së tij.
Gazetari i Report Tv Kristaq Thano bazuar te dëshmitë e familjarëve mëson se autori i vrasjes së dyfishtë në Ballsh kishte qenë te prindërit e tij në fshatin Drenovë, ndërsa ishte kthyer i dehur në banesë. Sapo ka hyrë në shtëpi, gruaja ka kërkuar që të shkojë edhe ajo te prindërit e saj, por Gazment Musta ka refuzuar. Pas debatit ai vrau gruan dhe kunatën.
Report Tv sjell pamjet kur ambulanca transporton për në morg dy trupat e viktimave në Ballsh nga apartamenti ku u qëlluan për vdekje. Çifti Musta jetonte në lagjen ‘5 Shkurti’ në Ballsh. Burri, Gazment Musta kishte vetëm 2 ditë që ishte kthyer nga Greqia për festat e fundvitit, ndërsa pas debatit vrau gruan dhe kunatën.
Report Tv zbulon shkaqet e vrasjes së dyfishtë në Ballsh pasditen e sotme. Sherri në çift ka nisur, pasi gruaja donte të shkonte te prindërit e saj për festat, por burri nuk e ka lejuar. Pas debatit të fortë, ku e pranishme ishte edhe kunata, burri ka marrë thikën duke i qëlluar për vdekje.
Report Tv zbulon emrat e viktimave në Ballsh. Ata janë Gentiana Caushaj, gruaja e autorit dhe kunata Merisa Caushaj. Ndërsa autori i vrasjeve është Gazment Musta.
Sipas policisë autori i vrasjes së dyfishtë në Ballsh ka qenë i dehur. Pas debatit në banesë, ai ka marrë thikën duke goditur fillimisht gruan më pas motrën e saj për vdekje, ndërkohë që është arrestuar menjëherë. “Gazment Musta u arrestua pasi dyshohet se në gjendje të dehur, rreth orës 17.30 në banesën e tij në Ballsh, për motive të dobëta, ka vrarë me thikë bashkëshorten e tij, shtetasen G.C, 31 vjeçe si edhe motrën e bashkëshortes, shtetasen M.C, 18 vjeçe, të cilat kanë ndërruar jetë në vend” njofton policia.
Komente
Po vriteni 1 ne mes te qytetit e te shofin ben me njeri te vere dore te mamaja babai gruaja apo te tjete se e kane bere si mode i fusin brenda dhe dalin te pa fajshem per mendimin tim te pushkatohet ne mes te qytetit se cfare po na shofin syte o zote per ata femije qe kane pare tmer god bless
Ti nga ballshi te duket normale qe vete ky feston me prinderit e tij dhe nusja spaska te drejt te festoj me te sajet po duhet ti vras ky kurva qe vjen nga greqia , pse sja futi dhe vetes la femijet jetim . Vetem ne shqiperi ndodhin gjera te tilla , kemi 30 vjet emigrim dhe sndryshuam po te njejtet injorant ngelem
Ju qe gjykoni nga ekrani mos u nxitoni njehere se kjo eshte me e thelle se cduket si ceshtje.Dy dite tjetri qe kish ardhur nga greqia gruaja e le vetem per te ikur te prinderit?Tjetri ka pas qef ta kaloj ne shpin e vet psh me gruan e vet e femijet.
Ti thua e thelle o ballshuk dhe e mbledh naften ne siperfaqe. Perse pune qefi eshte shkaku i tragjedise? Nuk ma ka fajin pija jo, ka qene i ngarkuar emocionalisht me pare, sot vetem ka shperthyer. Krim i rende shume, mjere ato qe iken se femijet do rriten. Menalitet barbar ne te gjithe shqiperine.
ske fjal te thuash gjynah ata femij qe do riten me trauma gjunah i madh dhe per ato te shkreta qe iken ne lule te rinise nga nje qen i cmendur
para nje jave shat gjoja malokt,po qy esht verior.mos tju degjoj me te shnani krahinat se nje m.t jemi
Bo bo bo ç fundërrinë neandertali... As njeriu neandërtal nuk kryente krime të tillë. Pu pu pu...