'Pse ishte RENEA'? Lleshaj: Kishim dyshime se kishte eksploziv te Teatri (VIDEO)

Në përgjigje të deputetes Fatjona Dhimitri, ministri i Brendshëm, Sandër Lleshaj këmbënguli që nuk është standard botëror vendosja e numrave të identifikimit të policisë, e teksa dyshimeve se brenda radhëve të efektivëve blu në protestë ka pasur "kriminelë", Lleshaj u përgjigj me ironi. Ndërkohë, ndalur te pyetja se përse kanë shkuar forcat e RENEA-s, Lleshaj tha se kishte dyshime që mund të kishte lëndë eksplozive.

"Shijoni atë version që ju thatë. Ishte një intruktazh që ne e bëjmë me policinë, dhe ju falenderoj me këtë. Folët dyshime se brenda radhës ka pasur kriminelë të veshur me policinë. Mbani dyshimet, nëse i keni reale, por paraqiteni në Prokurori, se dyshimet nuk paraqitet te i dyshuari. Aty do gjeni përgjigjen e duhur. Ju kishte shqetësuar fakti se në Lac ka pasur kostum policie, është jashtë fushës së arsyetimit tim të merrem me këto lloj arsyetimesh. Nuk është standard i përbotshëm, ne e kemi, por numri i identitetit vlen kur polici është në detyrë individualisht, por po ju them që nuk është standard i detyrueshëm. Sa i përket RENEA-s, ka qenë aty se ka pasur nevojë për kontrollin e godinës se kishte dyshime që do përdorej forcë, që kishte lëndë eksplozive dhe para shembjes së Teatrit me njësinë e saj anti-ekploziv ka bërë verifikim të godinës për të parandaluar rrezikun për qytetarët", tha Lleshaj.

Lajmi kryesor:

Interpelanca/ Opozita: Protestuesi u dhunua si afro-amerikani në SHBA! Lleshaj: RENEA te Teatri se kishte dyshime për eksploziv

B.K./Shqiptarja.com

TAG:
• teatri kombetar
• protesta per teatrin
• Sander Lleshaj
• Fatjona Dhimitri
• seanca e kuvendit 4 qershor 2020