'Krishti u ngjall'! Besimtarët ortodoksë kremtojnë Pashkët. Mesha në katedralen e "Ngjallja e Krishtit" u mbajt nga kryepeshkopi Anastas. Besimtarët në Tiranë, Korçë, Gjirokastër, Lushnje, Sarandë, dhe qytete të tjera u lutën për paqe, mirësi dhe harmoni në familjet e tyre, ndërsa ndezën qirinj.
Besimtarët ortodoksë urojnë njëri-tjetrin në këtë festë të bekuar. Pashka është një nga kremtimet më të mëdha të ortodoksëve. Ata risjellin ne vëmendje ngjarjen e madhe të ngjalljes së Jezusit të Nazaretit, tre ditë pas vdekjes së tij në kryq.
Festimet e Pashkës nisën me meshën e madhe të së shtunës mbrëma dhe përfundojnë me drekën tradicionale të së dielës. "Krishti u ngjall”, është “refreni” i kësaj dite festive i cili shprehet njëzëri nga të gjithë besimtarët duke trokitur vezën e kuqe të Pashkëve që simbolizon gjakun e Krishtit.
Presidenti Meta, kryeministri Rama dhe kryetari i Partisë Demokratike Lulzim Basha kanë uruar besimtarët për Pashkët. Kreu i shtetit tha se duhet 'Reflektim për më shumë bashkëpunim', një mesazh indirekt edhe për klasën politike. Në Fier edhe sot politika nuk ka e bërë pushim duke vijuar akuzat, ndërsa shembulli i harmonisë fetare vjen nga Korça, ku myftiu uroi Pashkët nga mitropolia.
Shqipëria shquhet për harmoninë fetare dhe sot në ditën e Pashkës, në Korçë për të uruar besimtarët ortodoksë, në mitropoli ka qenë për vizitë edhe myftiu Ledian Cikalleshi. Myftiu u shpreh se ishte në mitropoli për të uruar festën dhe për të qenë pranë njëri tjetrit duke u lutur për njerëzit dhe vendin.
"Ishim për të uruar për të qenë gëzimeve të njëri tjetrit dhe për të bërë lutjet që vendi jonë, kombi jonë, njerëzit të kenë sa më pak vuajtje dhe sa më shumë gëzime. Kjo ditë, ashtu si të tjerat e festave ku njerëzit mblidhen dhe festojnë duhet të jetë edhe një ditë reflektimi për ne, që Zoti duhet të jetë në jetën tonë dhe jo të kujtohet vetëm për festat".
Politikanët, të majtë dhe të djathtë në Fier kanë uruar besimtarët ortodoksë, ndërsa mes tyre nuk kanë bërë paqe as për Pashkët. Ish-deputeti dhe kryetar i degës së PD-së në Fier, Luan Baçi u shpreh se 'Politika e gjashtë viteve ka qenë e mbrapsht që ka konsistuar në të keqen e shqiptarëve dhe të mirën e oligarkëve të kësaj qeverie'.
Ndërsa socialisti Xhavit Bushaj u përgjigj duke thënë se 'Ne politikanët, në ditë të shënuara, ashtu sikur patë edhe ata politikanët e rrugës më parë vijmë që të urojmë, por ky urim është për të gjithë shqiptarët, të gjithë ata që këto ditë kanë kaluar ditë të gëzuara, feste dhe këtë urojmë'.
Në momentin që po uronte festën Antoneta Dhima, drejt mitropolitisë po ngjisnin shkallët përfaqësuesit e LSI-së, ndërsa socialistja Adelina Rista iu drejtua 'Gëzuar Pashkët opozita".
Ish-deputetja e LSI-së, Kejdi Mehmetaj theksoi se 'Ne japim mesazhet dhe urimet më të mira, dhe nga kisha morëm mesazhin e mirë, të shpresës se shqiptarët në këto ditë të vështira kanë nevojë për shpresë për të ndenjur në Shqipëri dhe për të luftuar të keqen' tha ajo.
Presidenti i Republikës, Ilir Meta vizitoi sot Katedralen “Ngjallja e Krishtit” në Tiranë ku u prit nga Kryepeshkopi i Shqipërisë, Fortlumturia e Tij Anastasi dhe klerikë të tjerë të Kishës Ortodokse Autoqefale të Shqipërisë.
Presidenti Meta uroi drejtuesit e lartë dhe të gjithë besimtarët, ndërsa i dërgoi një mesazh indirekt edhe politikës për më shumë reflektim dhe bashkëpunim. “Kjo është një ditë e jashtëzakonshme kundër dëshpërimit dhe fatalitetit, si dhe e shpresës dhe e entuziazmit për një të ardhme më të mirë.
Është një ditë e triumfit të jetës mbi vdekjen, të së mirës mbi të keqen, të shpresës mbi frikën dhe mbi pasigurinë. Është një ditë, që na bashkon të gjithëve e që na ndihmon të reflektojmë për më shumë bashkëpunim dhe harmoni, për të mirën e përbashkët” – u shpreh Presidenti Meta.
Meta apeloi edhe dje për dialog, kur u shpreh se me besimin në Zot dhe me dialog e vëllazërim, shoqëria jonë mund të tejkalojë çdo sfidë, pavarësisht sakrificave, për të ecur e sigurt drejt së ardhmes më të mirë, në familjen europiane.
Edhe kryeministri Edi Rama ka uruar besimtarët ortodoksë për Pashkët. Kreu i qeverisë e shoqëron urimin me pamjet nga Kisha e Marmiroit në Orikum të Vlorës. Kisha e Marmiroit është një monument i trashëgimisë kulturore në rrethin e Vlorës. Kisha është ndërtuar gjatë periudhës bizantine diku rreth shekullit të XII. Në vitin 1971 kur Instituti i Monumenteve të kulturës e mori nën kujdesin e tij këtë objekt ai ndodhej në gjendje pothuajse të rrënuar. Kisha është e tipit kryq i lire me kupolë.
Kryetari i PD-së, Lulzim Basha ka uruar të gjithë besimtarët ortodoksë për Pashkët. "Këtë të diel, teksa besimtarët ortodoksë i drejtohen njëri-tjetrit me urimin e lashtë “Krishti u ngjall!” “Vërtet u ngjall!”, ju uroj nga zemra secilit prej tyre: të dashur miq, vëllezër dhe motra Gëzuar Pashkën! Për shumë vjet gëzuar këtë festë të shenjtë që kremton triumfin e jetës mbi vdekjen, të shpresës dhe dritës mbi të keqen dhe errësirën, të së drejtës dhe të vërtetës mbi padrejtësinë, babëzinë dhe injorancën! Zoti i bekoftë shqiptarët! Zoti e bekoftë Shqipërinë" shkruan Basha.
Komente
Lajme të tjera
-
VIDEO/ Ndodh në Korfuz, ena prej balte hidhet nga bashkia mbi kokën e së resë
5 Maj, 08:19 -
Sot festohen Pashkët Ortodokse, uron politika! Rama: Gëzuar! Begaj: Të mbështesim njëri-tjetrin! Basha e Meta: Paqe e begati
5 Maj, 08:14 -
VIDEO/ ‘Krishti u ngjall', besimtarët ortodoksë në të gjithë vendin kremtojnë Pashkën
4 Maj, 23:01 -
Pashkët Ortodokse, Nikolla uron besimtarët: Krishti u ringjall për të gjithë ne
4 Maj, 19:45 -
Pashkët Ortodokse, emigrantët kthehen në vendlindje për të festuar, fluks në pikën kufitare të Kapshticës
4 Maj, 09:09 -
E Premtja e Zezë/ Besimtarët ortodoksë në Tiranë dhe qytete të tjera përkujtojnë Kryqëzimin e Krishtit
3 Maj, 19:48 -
E premtja e Zezë/ Durrës, besimtarët mblidhen në katedralen e Apostul Pavlit dhe Shën Astit për ceremoninë e Udhës së Kryqit
3 Maj, 19:39 -
Kryepiskopi Anastas uron Pashkët: Vëmendja në Ukrainë dhe Gaza, të mposhtim hidhërimet me fuqinë e Ngjalljes
3 Maj, 15:40 -
Të dielën Pashka Ortodokse, shqiptarët kthehen në atdhe për të festuar! Fluks në Kapshticë
3 Maj, 09:31 -
Pas festimeve të Pashkëve ortodokse, qytetarët kthehen në Greqi! Fluks në pikën kufitare të Kapshticës
18 Prill 2023, 09:06 -
Pashkët ortodokse/ Në Jerusalem festojnë më pak besimtarë për shkak të tensioneve, festa s’ndal sulmet në Ukrainë
16 Prill 2023, 16:23 -
Kremtohen Pashkët Ortodokse! Uron politika, Begaj: Shënohet nisja e re! Rama: Gëzuar! Meta: Të kapërcejmë dhimbjet
16 Prill 2023, 14:03
Ilir Meta njeri i pa cip ky te keqen e ka shkruar ne ball.AA mund te pranojme urime per miresi nga ky Derr.PIG...
PërgjigjuEvlad asht e dobishme për krejt Njerzimin me punu për me rrit SOJIN lixhi i KRIJUSIT TË XHITHSIS nuk lexohet por përjetohet,të xhith shpirtat jemi të barabart para KRIJUSIT,Çunat e ballkanit dhe të skandinavis kan diqka të përbashkët,dy palet jan marakli në PIDHË,për koh kemi ba nji rrokad tvogel,mos u hutoni mundë të ket zjare në natyr,rrini gati shukni
Përgjigjugezuar per besimtaret ortodoks shqiptar kudo qe jane. nje mesazh per zt. META ne 2 vjet do e festosh ne burg. F.ck YOU
PërgjigjuRuani xhepat po ju kaloj likja afer,sa turp nje president grabites,nje kryeminister grabites,opozite grabitese,dhe nje janullat ilegal ne kishen autoqefale Shqiptare turp
PërgjigjuMë në fund u ngjall fryma greke në kishën e Fan Nolit të Madh !
PërgjigjuIkni ore lalucolepër katnarë!
U ngjall Krishti !!!!??????!!! Po po u ngjall ???!!!! Ku është ????????!!!!!!!
Po cfar rrace je o fredi “INDJAN “se ngele tu shajt krahinat ..
Ne vend te urosh besimtaret ortodokse per kete dite te shenjte, ke hallin e frymes greke. Gezuar te gjithe shqiptareve! Krishti u ngjall!