POP 5

Lajmet më të lexuara të 5 minutave të fundit

Sociale

Kriza e çmimeve prek edhe ujin, rritet 10-30 lekë në markete! Të varfrit konsumojnë ujë çezme

Kriza e çmimeve ka prekur edhe ujin e pijshëm që tani shitet 5-30 lekë më shtrenjtë në markete e supermarkete. Qytetarët thonë se mendohen dy herë para se ta blejnë ujin, ndërsa kërkojnë rritjen e kontrolleve nga shteti.

Kriza e çmimeve ka prekur edhe ujin e pijshëm që tani shitet 5-30 lekë më shtrenjtë në markete e supermarkete. Qytetarët thonë se mendohen dy herë para se ta blejnë ujin, ndërsa kërkojnë rritjen e kontrolleve nga shteti.

 “Temperaturat janë të larta dhe trupi ynë ka nevojë për hidratim, por së fundmi qytetarët janë ankuar për çmimin e ujit në spermarkete apo markete pasi ka pësuar rritje dhe nga tregtarët po abuzojnë me çmimet e tyre. Të njëjtin ujë 0.5 l ne e blemë në dy vende të ndryshme". 

Deri para disa javësh kjo shishe uji kushtonte 35 lekë, ndërsa këto ditë çmimi i saj ka ndryshuar në markete të ndryshme duke pësuar rritje me 5-15 lekë. Pothuaj në të gjitha supermarketet vlera është fikse 40 lekë, ndërsa abuzimet ndodhin më së shumti në marketet e lagjeve.

Pavarësisht kësaj rritjeje, qytetarët thonë se ujin janë ta detyruar ta blejnë, pasi ai i çezmës në të shumtën e rasteve është i pakonsumueshëm. Megjithatë, të shumta janë rastet ku për shkak të çmimeve gjithnjë e më shumë në rritje, të pamundurit ekonomikisht thonë se e mendojnë dy herë para se ta blejnë një bidon ujë.

“Kemi 24 orë ujë, por ujë të pijshëm blejmë. Çmimet janë rritur të gjitha. Për pjesën e mesme janë të përballueshme , të varfrit nuk e blejnë fare , ata pinë ujë çezme të shkretët”

“Shishen e vogël të ujit e blej 50 ose 60 lekë. Detyrimisht që abuzohet”

“Për atë që s’ka e ndjen atë mungesën, por ai që ka nuk e ka problem”

Edhe një shishe uji 2 litra ka pësuar ndryshim në çmim ku nga 55 lekë çmimi i saj ka vajtur 60 lekë, ndërsa bidoni 5 litërshështë rritur me 20-30 lekë nga çmimi i mëparshëm 100 lekë.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

U konfliktua me doganierin, nis hetimi për shefin e stacionit të Policisë Kufitare Kapshticë

U konfliktua me doganierin, nis hetimi për shefin e stacionit të Policisë Kufitare Kapshticë

14 Janar, 23:55