Çmimet e larta kanë nisur të japin efektet e para në shlyerjen e kredive, pasi për herë të parë pas më shumë se një vit në rënie të vazhdueshme, në prill është regjistruar rritje e kredive me probleme. Sipas të dhënave të fundit të Bankës së Shqipërisë kreditë me probleme në muajin prill regjistruan shifrën e 5.4%, nga 5.2% që ishin në muajin mars.
Në total sipas statistikave të Bankës qendrore në prill, totali i kredisë së dhënë për ekonominë ishte 689,9 miliardë lekë dhe nga këto me probleme rezultojnë 37.2 miliardë lekë. ndërsa në muajin mars kreditë e këqija ishin në vlerën e 35.5 miliardë lekë.
Frika se kriza e çmimeve do të rriste kreditë me probleme, pasi do të ulte fuqinë paguese të qytetarëve dhe të bizneseve u pranua edhe nga vetë bankat e jo-bankat, pasi menjëherë nisën të merrnin masa për të shtrënguar standardet e kredidhënies. Në raportin e kaluar të Bankës së Shqipërisë, për kreditimin në tremujorin e parë të vitit, thuhej se standardet e kreditimit në tremujorin e parë të këtij viti u shtrënguan për biznesin e vogël dhe të mesëm, për shkak se bankat ndjehen të rrezikuara nga situata ekonomike, dhe i druhen uljes së aftësisë paguese të këtyre bizneseve.
Shtrëngimi i kushteve të kredisë ka bërë që bankat të japin më pak kredi, pavarësisht se kërkesa për hua ka qenë e lartë.
“Shtimi i pasigurive, si pasojë e ecurisë së çmimeve në tregjet ndërkombëtare e ato vendase, ka nxitur bankat të jenë disi më konservatore ndaj këtij segmenti të biznesit. Kujdesi i shtuar i bankave në kreditimin e bizneseve, u reflektua edhe në një shkallë më të ulët miratimi kredish në tremujorin e parë. Shtimi i kërkesës për kredi nga bizneset në tremujorin e parë të vitit, sipas gjykimit të bankave, u ndikua kryesisht nga nevojat më të larta për financimin e inventarëve dhe kapitalit qarkullues, për financimin e investimeve, si dhe për ristrukturimin e kompanive”, thuhej në raport.
Po ashtu bankat kanë ulur edhe tolerancën ndaj kredidhënies për këtë segment të biznesit, për shkak të pasigurisë në çmime e tregje.
Lajme të tjera
-
2024 viti i ‘superlekut’, BSH bleu 313 mln euro për stabilizimin e monedhës europiane, planifikon më shumë vitin tjetër
25 Dhjetor, 14:12
-
Rritet lehtë edhe inflacioni bazë, në nëntor arriti në 2.34%
24 Dhjetor, 14:28 -
Transfertat në SEPA, data më e afërt për bankat shqiptare është 5 tetori 2025
20 Dhjetor, 10:58 -
BSH mbyll 2024 me normën bazë interesi 2.75%! Sejko: Kemi blerë euro për të stabilizuar kursin e këmbimit! Ka rritje punësimi
18 Dhjetor, 16:42
-
BSH, 3 çmimet për diplomat më të mira ekonomike! Sejko: Rënia e inflacionit uli kostot për familjet e bizneset
16 Dhjetor, 17:28
-
Afro 20% e shqiptarëve në rrezik varfërie, kanë të ardhura ditore deri në 751 lekë! Gjendja do rëndohej nëse s’do ishin pensionet e skemat sociale
13 Dhjetor, 20:29
-
Më shumë emigrantë dhe familje më në vështirësi në Shqipëri, në 9 muaj 772 mln € erdhën si remitanca
12 Dhjetor, 17:02
-
Shqipëria 1.1 mld € investime të huaja në 9 muaj, preferohen pasuritë e paluajtshme! 56 mln € më shumë krahasuar me 2023
12 Dhjetor, 16:02
-
Shqipëria rekord të ardhurash prej 3.9 mld euro nga turizmi, për 9 muaj fitoi 640 mln € më shumë se në 2023
11 Dhjetor, 16:07
-
FMN apel Bankës Qendrore: Kujdes me kreditimin e pasurive të paluajtshme! Eksperti: Krizat më të mëdha nisin nga ‘flluskat’ në këtë sektor
7 Dhjetor, 16:19
-
Miliona euro përfitime nga anëtarësimi në SEPA, Sejko thirrje bankave: Plotësoni kushtet që të bëheni pjesë e sistemit evropian, investoni në inovacion
5 Dhjetor, 14:22
-
Vrojtimi i BSH/ Ndërtimi optimist, rritet kërkesa për prona! Turizmi ‘pesimist’, ndikoi rënia e ‘bumit’ të sezonit veror! Besimi në ekonomi u ul me 0,4% në Nëntor
2 Dhjetor, 17:25
