POP 5

Lajmet më të lexuara të 5 minutave të fundit

Bota

Kriza e klimës, New York shpall emergjencën, në Japoni 17 viktima nga acari! Shkencëtarët: Do kemi më shpesh acar si në Amerikë

Stuhia e acartë që ka përfshirë Amerikën i ka marrë jetën rreth 60 personave. Por edhe Japonia po përballet me situatë të njëjtë, ku 17 persona kanë humbur jetën. Shkencëtarët e klimës bëjnë thirrje të merren masat kundër ngrohjes globale, përndryshe kjo stuhi do të bëhet diçka normale dhe e shpeshtë në të ardhmen e afërt

Shteti i Nju Jorkut ka shpallur emergjencën për shkak të viktimave të shumta si pasojë e acarit që kaploi vendin.

Autoritetet njoftojnë se 28 persona kanë humbur jetën në Nju Jork, nga rreth 60 në të gjithë Amerikën. Mbrëmjen e së hënës, lartësia e dëborës në disa vende arriti deri në 2 metër.

Nga 28 vdekjet e konfirmuara në Nju Jork, autoritetet thanë se arsyet janë vonesa e mbërritjes së ambulancës, ndalimi i zemrës gjatë heqjes së dëborës me lopatë, katër kanë vdekur nga i ftohi, ndërsa tre persona janë gjetur të ngirë në një automjet.

Vdekje të lidhura me stuhinë janë regjistruar në 12 shtete - Kolorado, Illinois, Kansas, Kentaki, Michigan, Misuri, Nebraska, Nju Jork, Ohio, Oklahoma, Tenesi dhe Ëisconsin.

Ndërkohë, edhe në Japoni paraqitet situatë tejet e rënduar si pasojë e reshjeve të dendura të dëborës. Të paktën 17 persona kanë humbur jetën dhe 93 janë lënduar. Autoritetet paralajmëruan banorët që të tregojnë kujdes gjatë largimit të borës nga shtëpitë e tyre, sepse shumë prej vdekjeve kanë ndodhur kur po pastronin borën nga çatitë dhe ajo i ka zënë sipër.

Masa e ftohtë e ajrit ka lëvizur edhe drejt Kanadasë, por nuk raportohet për viktima, veçse dëme në sistemin elektrik dhe reshje të mëdha dëbore.

Ndërkaq, shkencëtarët e klimës kanë një paralajmërim për këtë stuhi të fortë që ka përfshirë kontinente. Sipas tyre, nëse nuk merren masa kundër ngrohjes globale, këto fenomene do të shpeshtohen në të ardhmen.

G.MO/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46