Kriza e refugjatëve, dështon takimi
i Merkel me aleatët e koalicionit

Kancelarja Angela Merkel dhe partnerët e saj të koalicionit e kanë mbyllur takimin e të dielës pa arritur marrëveshje për zgjidhjen e krizës së refugjatëve.

Liderët e koalicionit qeverisës në Gjermani nuk arritën dot të sheshonin diferencat për mënyrën sesi duhet zgjidhur problemi me numrin e madh të refugjatëve.

Kjo gjë është cilësuar në mediet gjermane s krizë mes parnerëve të koalicionit qeverisës.

Në këtë takim Merkel u takua me liderin e partisë simotër të Bavarisë dhe kreun e Social Demokratëve, Sigmar Gabriel.

Berlini pret që 800 mijë deri në një milionë emigrantë të mbërrijnë në Gjermani këtë vit, sa dyfishi i numrit të refugjatëve të një viti më parë dhe më shumë se çdo vend tjetër i BE-së.

Pas dy orë takim, Gabriel e la kancelaren të zymtë. Zëdhënësi i qeverisë, Steffen Sibeert tha se bisedimet ishin “konstruktive”, por shtoi se tre liderët do të takohen sërish të enjten.

Horat Seehofer, lideri i CSU-së kërkon veprim të përbashkët për frenimin e numrit të refugjatëve.

Bavaria është një nga zonat me fluksin më të madh dhe Seehofer është nën presion nga bashkitë e këtij landi. Disa nga anëtarët e partisë së tij kërkojnë dhe mbylljen e kufirit.

Redaksia Online
(f.s/shqiptaraj.com)