Kriza e refugjatëve, superoperacioni
shpëtohen 6500 refugjatë në Libi 

Rreth 6500 emigrantë janë shpëtuar nga mbytja në Libi, kanë konfirmuar Rojet Bregdetare italiane, në një prej operacioneve më të mëdha të ndërmarra deri më sot. Rreth 40 misione  u organizuan 20 km larg qytetit libian të Sabrathas. Pamjet dhe videot treguan emigrantët,  që brohorisnin dhe gëzonin sapo hipnin në anijet e shpëtimit. Në operacion u përfshinë forca shpëtimi nga Italia, agjensitë kufitare të BE-së dhe organizata të tjera.  

Shumë prej refugjatëve kryesisht nga vendet e Lindjes se Mesme dhe Afrika  përpiqen të emigrojnë drejt shteteve europiane për tu shpëtuar luftrave dhe varfërisë.
Ndër të tjera shpesh here ata bien pre e trafikantëve të qënieve njerëzore .

Në mars, BE arriti një marrëveshje me Ankaranë në përpjekjen për të ndaluar emigrantët të kalojnë nga Turqia në Greqi, ndërsa vendet e Ballkanit i mbyllën kufijtë për emigrantët.Si rezultat refugjatët  nga shtete të tilla si Eritrea, Somalia dhe Afrika perëndimore po përdorin brigjet italiane si port hyrëse.

Redaksia online
(e.m/Shqiptarja.com)