Bilanci qeverisës 2021, Rama: Hetim pasuror dhe për evazion fiskal kompanive që deklarojnë për punonjësit paga fiktive! Keni kohë deri më 20 janar të vetërregulloheni (VIDEO)

Në përfundim të konferencës për mediat për 2021, kreu i qeverisë Edi Rama kishte një urim për kundërshtarët e tij politikë, përkatësisht, Ilir Meta, Sali Berisha e Lulzim Basha.

“Politikisht i uroj të shkojnë në shtëpi të gjithë, po e di që urimi do bjerë në vesh të shurdhër, ndaj s’më mbetet t’i uroj shëndet në familje dhe që ta gjejnë nga njëri tjetri jo nga shëndeti. Shëndetin ta kenë për vete, ca bëjnë me njëri tjetrin është jashtë mundësive të mia për t’i ndihmuar”, tha Rama.

Kryeministri Edi Rama paralajmëroi masa të reja për parandalimin e përhapjes së COVID në vend, fillimin e vitit të ri. Por kreu i qeverisë tha se shpreson se nuk do të ketë mbyllje totale të vendit.

'Unë shpresoj jo, se nuk do të ketë një mbyllje totale. Por e gjitha kjo varet nga spitalet, mbylljet që po ndodhin jashtë janë të lidhura me spitalet. Disa masa do ti marrim me siguri se nuk kemi rrugë tjetër. '- tha Rama.

Kryeministri Edi Rama, tha se propozimi për ndryshimin e hartës së re gjyqësore është gjëra e duhur dhe do të bëhet ashtu siç është paraqitur.

'Për mua është gjëja e duhur dhe do të bëhet ashtu siç është paraqitur.'- tha Rama.

Kryeministri Edi Rama tha se për zgjedhjen e presidentit të ri do të bashkëpunonte me opozitën për një emër konsensual, por sot në situatën ku ndodhet PD, Rama ironizoi duke thënë se këtë e tha kur partia kishte kryetar, ndërsa sot nuk di se më kë duhet të flasë

“Këtë e kam deklaruar kur opozita kishte kryetra, sot mbetet ne parim, por për momentin nuk kemi me ke flasim”, tha Rama.

Kryeministri Rama thotë se ndihet krenar që drejtësia sot nuk sheh as majtas as djathtas. I pyetur në lidhje me arrestimin e Lefter Kokës, ish-ministër gjatë qeverisjes së Partisë Socialiste në mandatin e parë, Rama tha se përgjegjësia e tij para ligjit është individuale.

'Ato që ju i konsideroni arsye për t'ju thënë unë që ky është faji im për mua janë arsye për t'ju thënë juve po përpjekjet tona po funksionojnë, nuk hy në raste individuale deri kur fajësia të vërtetohet nga gjykata, çdokush është i pafajshëm. Nëse drejtësia po jep shenja të qarta që nuk sheh as majtas as djathtas unë jam krenar për këtë. Përgjegjësia është individuale, shumë individuale, Çdokush që merr një detyrë zgjidhet për 1000 arsye, të cilat nuk bien në momentin që ai ose ajo gjenden në faj. Por ama në atë moment ai është vetëm.'- tha Rama.

SPAK prangosi pak javë më parë ish-ministrin e Mjedisit, Lefter Koka për dosjen e shumëpërfolur, atë të inceneratorit në Elbasan.  SPAK e akuzon Lefter Kokën për shpërdorim të detyrës, pastrim të parave dhe korrupsion, tre akuza të rënda me të cilat ish-ministri tashmë do nisë betejën e tij me drejtësinë, teksa janë sekuestruar edhe kompanitë "Albtek Energy”, pra inceneratori i Elbasanit, “Integrated Technology Services” si edhe aksionet e Kokës në “Kantinën e Pijeve Gjergj Kastrioti Skenderbeu”. Nga ana tjetër, janë shpallur në kërkim edhe Stela Gugalli, e cila në sistemin TIMS rezulton se është jashtë shtetit si dhe Klodian Zoto.

Kryeministri Edi Rama, teksa foli për ato që i konsidero 'projektet e mëdha', u ndal te aeroporti i Kukësit për të cilin tha se do të jetë plotësisht funksional deri maksimumi në pranverën e 2022. Po ashtu Rama foli edhe për një Program Kombëtar Strehimi për familjet në nevojë dhe se nëpërmjet tij do ë trajtohen edhe ato familje që i prishen banesat për shkak të projektit të Unazës së Tiranës.

"Kemi kantierin e aeroporti të Vlorës që ka nisur, jem afër finalizimit ët marrëveshjeve ët rëndësishme të fluturimeve për aeroportin e Kukësit. Besoj që maksimumi në pranverë, aeroporti i Kukësit do të jetë funksional me fluturime me kosto të ulët. Kemi ulje drastike të çmimeve në aeroportin e Tiranës, kjo si rezultat i kalimit të administrimit të aeroportit në duar shqiptarësh. Kemi gati planin e ndërtimit të terminalit të dytë dhe zgjatjen e pistës. Janë hapur dy lote të reja të Unazës së Tiranës, kemi një çështje sociale me një numër jo të vogël banesash që duhen prishur. Sot kemi kapacitetet dijen dhe besimin për një program të ri kombëtar strehimi. Këto vepra që flasin vetë me standarde krejt të reja urbanistike dhe sigurie, na japin mundësinë që do të angazhohemi me program të ri kombëtar me strehimin. Nuk do presim të bjeri tërmet për të ndihmuar familjet që kanë nevojë për strehim, kuptohet me skema familjare shumë të lehta për familjet në nevojë dhe çiftet e reja. Të gjitha banesat që do jenë pjesë  prishjes për unazën do të trajtohen me këtë program. Familjeve të këtyre banesave do t'i japim bonusin e qirasë dhe kontrata apo angazhimi për t'i pajisur me banesa të reja sociale", tha ai.

Me skandalin e publikimit të pagave doli në pah edhe evazioni fiskal që kryenin kompanitë e madha duke deklaruar paga minimale për punonjësit ndërkohë që paga reale ishte disa fish më shumë. Kjo tha Rama do të marrë fund dhe se do të ketë hetim pasuror të këtyre kompanive dhe biznesmenëve që deklarojnë për punonjësit paga më të ulëta nga sa ata paguhen

“Hetim pasuror të kompanive dhe biznesmenëve që deklarojnë për punonjësit paga minimale apo paga me të ulëta nga sa ë ata paguhen, kjo do të shoqërohet me një reformë të re dhe të shpejtë për të ndarë në një mënyrë teknike biznesin e vogël nga hapësirat që i japin atyre që fitojnë shumë dhe që sillen si biznes i vogël, pra atyre që bëjnë cirk. Kjo do të na ndihmojë të garantojmë punonjësit me pagë reale minimale, se ndodh dhe inversi që u jepen pagat minimale dhe pastaj iu merren mbrapsht një pjesë e tyre që kjo është abuzim prej skllavo-pronarësh. Kjo qeveri do të jetë e tëra në krah të punonjësve. Do stimulojmë punonjësit të mos heshtin”, tha Rama.

Kryeministri Edi Rama lidhur me skandalin e publikimit të pagave tha se 'jo çdo e keqe vjen vetëm për keq'. Këtë kreu i qeverisë lidhi me mosdeklarimin e pagave, ku teksa ju referua pagave të gazetarëve, tha se ato duhet të deklarohen deri më datë 20 janar, përndryshe do të hetohen për evazion fiskal.

'Me pagat ka ndodhur një ngjarje shumë shëmtuar  dhe shqetësuese, por pjesa kriminale e ngjarjes është një pjesë që i takon prokurorisë, ku po heton në mënyrë intensive . besoj se së shpejti do të kemi rezultate dhe kush e ka bërë do të përgjigjet para ligjit. në këndvështrimin më afat mesëm kjo ngjarje mund të quhet edhe 'jo çdo e keqe vjen vetëm për keq' natyrisht ekspozimi i dhënave personale që lidhen me pagat është i papranueshëm, por sot ka një pasqyrë domethënëse në sytë e të gjithë shqiptarëve, dhe askush nuk do të mund të ma thotë se po sulmojmë askënd, dukje filluar nga mediat nga pagat tuaja. nuk është një situatë e ngjashme me atë që ka qenë më partë, por është një sitautë e pranueshme dhe askush nuk na thotë dot se po sulmojmë mediat, duke kërkuar prej atyre që të vetë-rregullojnë deklarimet. Drejtoria e Tatimeve do të nisë një letër për të gjithë tatimpaguesit me deklarime shqetësues të cilat rezultojnë me mospërputhje flagrante, duke u kërkuar që të vetrregullohen me deklarime të reja deri më 20 janar. Në rast mos rregullimi do të ketë hetim të thelluar për evazion, me dënim me burg. Kemi një plan para se të ndodhte kjo. '- tha Rama.

Teksa vlerësoi procesin e rindërtimit, Rama tha se ka ende zona ku po punohet ku në lagjen Laçi 2 qeveria është përballur me vendime të padrejta të gjykatësve që nuk kanë kaluar vetingun.

 “Kemi ‘5 majin’ në Tiranë, lagjen e re në Krujë, që më në fund ka nisur pas një situate të koklavitur me pronësinë, kemi Laçin 2 ku dhe aty kemi pasur një problem që është një nga shëmbëlltyrat së përballjes me maskarenjtë e sistemit të drejtësisë që ende nuk kanë kaluar vetingun dhe po shfrytëzojnë këtë kohë për të bërë çudira. Kemi Vorën dhe kemi besimin se 2022 do të fshijë të gjitha plagët  e hapura nga tërmeti”, tha Rama.

Kryeministri Edi Rama ka bërë me dije se vendi duhet të përgatitet për një valë të re të COVID për shkak të përhapjes së variantit Omicron. Duke përmendur vendimet e marra nga shumë vende për mbylljen, Rama theksoi se nuk do të ketë ngutje për një vendim të tillë dhe në vendin tonë, por  shtoi se disa masa do të duhen rimarrë

"Duhet të përgatitemi për në valë të re për shkak të një varianti të ri të virusit që po mbyll vendet e tjera. Vendimet për mbylljen po merren radhazi, ne nuk do të ngutemi vetëm se duhet të dimë se nuk mundet dot ta kalojmë sikur nuk ndodh asgjë dhe mbase disa masa do të duhen rimarrë, pa e shtrënguar zinxhirin e  ekonomisë. Kemi garantuar dozat e vaksinave, vaksinimi ecën, por jo siç do të duhej. Po bëjmë një rivlerësim pasi rezulton se një numër i lartë njerëzisht janë vaksinuar jashtë. Jemi gati për spitalin e ri infektiv, që do të thotë rindërtim nga themelet, modernizim i tij', u shpreh ai.

Teksa u ndal te kriza energjetike, Rama tha se qeveria do të behët mburojë për konsumatorët dhe për bizneset e vogla, pasi nuk do të ketë rritje çmimesh për këtë kategori.

'Nga ta nis, mbase është e udhës që të niset nga një fakt botërisht i njohur, i një krize energjetike globale, që po sfidon të gjitha shtetet dhe i një dallge të tërbuar të çmimeve që së fundmi kanë arritur 450 euro për megavat. Ndërkohë që në të njëjtën periudhë të viteve të mëparshme, kemi lëvizur në një mesatare prej 100 eurosh për megavat, nga 85, 92 deri në 120. Por 450 euro megavat është çmim marramendës. Po të kemi parasysh totalin vjetër kemi lëvizur në një total 50 euro për megavat. Këtë krizë e kam paralajmëruar disa kohë më parë edhe paralajmërimi i komentua si një alarm fals. Nuk duket se ka fund të qartë. Është folur për qershorin, por askush sot nuk mund ta konfirmojë këtë fakt, apo këtë hipotezë. Kompleksiteti i krizës shkon nga gjeopolitika, tek efektet e ndryshimeve klimaterike. Ne ndërkohë që vendet rreth e rrotull kanë rritur çmimet për konsumatorin, pasi janë duke rritur çmimet, ne i kemi qëndruar një ideje fikse se do t’i bëhemi mburojë konsumatorëve familjarë dhe biznesit të vogël. Tani që flasim po zhvillohet një dëgjesë e ministres së Infrastrukturës me disa përfaqësues të kompanive që janë të lidhur ame tensionin e mesëm që liberalizimi i tregut do të thotë rritje eksponenciale të çmimit. Jemi duke përgatitur për ta një skemë lehtësuese. Pse po ja dalim të qëndrojmë në këto parametra pasi e kemi adresuar krizën me një reformim të skemës së furnizmit. jemi besimplotë, se deri në qershor, ndërkohë që parashikojmë edhe një efekt lehtësues, rreth muajve mars-prill.  Do të vazhdojmë që t'i mbrojmë konsumatorët familjarë.'- tha Rama.

Kryeministri Edi Rama foli edhe për ambiciet e së ardhmen ku Shqipëria brenda një dekade do të kthehet në një ekspertuese neto të energjisë përmes diversifikimit të energjisë dhe ndërtimit të Skavicës.

“Jemi sot në gjendje që jo vetëm të garantojmë furnizimin me energji për vendin tonë, por ta bëjmë këtë edhe pa rritje të çmimit dhe pa kufizime dhe ti japim Kosovës mundësinë që dy ditët që janë vende e ndërrimit të viteve të kenë furnizim të pandërprerë me energji., Sigurisht që nuk është diçka fare e lehtë, por besoj në sekëlldira të mëdha dhe gëzime duhet të ndajmë me Kosovën atë që kemi. Brenda kësaj dekade Shqipëria të kalojë në eksportuese neto e energjisë, pra që garanton veten dhe shet energji tek të tjetër, këtë do e bëjmë duke rritur kapacitet, duke zgjidhur problemin e trashëguar dramatik të hedhjes së parave bashkë me ujin kur nuk kemi mundësi të rezervojmë ujë për ditët e thata dhe këtë gjë do na e mundësojë ndërtimi i Skavicës. Gjithashtu duke vënë në punë me një skemë të re me një kompani amerikane Tecin e Vlorës dhe duke diversifikuar prodhimin e energjisë me parqe fotovoltaike dhe atë të erë”, tha Rama.