POP 5

Lajmet më të lexuara të 5 minutave të fundit

Ekonomi

Kriza energjetike, sprova ekonomike e vitit 2022! Çmimet pritet të arrijnë 450 euro për megavat

Kriza energjetike do të jetë sprova ekonomike e vitit 2022, ku çmimet pritet të kulmojnë në 450 euro për megavat orë. Qeveria ka vënë në dispozicion për blerjen e energjisë 80 milionë dollar, ndërkohë që ekspertët parashikojnë një situatë të zymtë deri në qershor.

Rimëkëmbja ekonomike ishte kryefjalë e vitit 2021, ndërsa për 2022 kriza energjetike është sprova tjetër me të cilën duhet të përballemi.

“Sipas të gjitha parashikimeve këto çmime do të vazhdojnë të rriten deri në gjysmën e parë të vitit 2022”, shprehet eksperti Lorenc Gordani.

Në muajin janar OSHEE pritet që ta importoj energjinë me çmim mesatar 290 euro ose rreth 84 euro për megavat më shtrenjtë se viti 2021. Ndërsa kulmi pritet të jetë me 450 euro për megavat.

“Stabilizimi do të vazhdojë nga fundi i prillit, dhe qershori e në vijim”, thotë Gordani.

Çmimet e energjisë sipas ekspertëve do të jenë të luhatshme në 150 euro për megavat pas muajit qershor dhe do të vazhdojnë të tilla për 2 vitet e ardhshme. Masa e menjëhershme në rast përkeqësimi, mbetet kursimi energjisë, ndërkohë eksperti i energjisë Lorenc Gordani shpjegon masat e tjera që duhen ndërmarrë.

“Masat afatgjata apo afatmesme kanë të bëjnë me ndërtimin e gjeneratorëve të ri energjetik, siç është Skavica apo TEC-i i Vlorës apo të tjera si dhe përdorimi i gazit. Ndërsa më të shpejta janë ato që kanë të bëjnë me vëmendjen të veçantë tek energjitë e rinovueshme”, thotë Gordani.

Si pasojë e krizës gjatë 2021 vendi importoi mbi 228 milionë euro energji elektrike, dyfish më shumë se në 2020. Për të përballuar situatën në vitin 2022 janë vënë në dispozicion nga buxheti i shtetit 80 milionë dollarë. Shkaku kryesor i kësaj krize është kërkesa e lartë për konsum dhe mungesa e prodhimit.

“Ngërçi kryesor i kësaj rritje erdhi nga mungesa e gazit natyrore. Njëkohësisht ndikojnë edhe masat e ndërmarra për zbutjen e ndryshimet klimatike. Emetimet e karbonit kanë arritur çmime të larta, po ashtu janë rritur çmimet të energjive të gjelbra. U bë miksi perfekt e një furtune që solli rritjen e çmimeve”, pohon eksperti.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • redi: 01/01/2022 11:09

    Urime te gjitheve per nje vit te mbare si dhe OSSHE per nje vit me rezultativ duke pasur parasysh krizen.Qeveria duhet te pergjigjet perse Voltitalia franceze nuk ka filluar akoma punen per dy parqet ,ne Spitalle dhe Karavasta ?Nuk do ishte me mire qe vet shteti ti kishte ndertuar me 230 milion dollaret qe beri importin per 2021 ?Ne me duket se kemi ekspert qe lobojne per importe dhe jo per te perballuar krizen.Zoti Rama ;NAFTA dhe ENERGJIA jane bazae suksesit te ekonomise .Meqe permende gabime ne fjalen e fundvitit bej keto dy sektor te kene sukses ose ndryshe do futemi me keq ne gropen e borxheve.Po prite nga privatet do fundosesh ekonomine.Besoj se kthesa do vije .Ekspertet e energhetikes i ke per ti gut ushujza

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Tayna tregon momentin e arrestimit në Zvicër: Qëndrova 5 orë në burg

Tayna tregon momentin e arrestimit në Zvicër: Qëndrova 5 orë në burg

26 Dhjetor, 14:35