Kriza/ Kreu i KQZ-së: Politika është pushtuar nga impasi dhe palëvizshmëria

TIRANE-Kur duhen pak ditë nga çelja zyrtare e fushatës për zgjedhjet e 30 qershorit, paraditen e sotme është zhvilluar një aktivitet nga KQZ me Institutin Demokratik Amerikan për transparencën e financimit të partive.

Kryetari i KQZ-së, Klement Zguri u shpreh se janë hedhur hapa përpara dhe se këto zgjedhje do të shënojnë përmirësimin e transparencës financiare, ndërsa referuar situatës aktuale tha se politika është pushtuar nga impasi dhe palëvizshmëria.

"Media mos rrijë indiferente në financimin e partive. KQZ ka punuar me ekspertët më të mirë për studimin e praktikave për t'u aplikuar në vendin tonë. KQZ miratoi tre akte të rëndësishme për kontrollin dhe verifikimin e shpenzimeve të partive politike dhe fushatës. Politika është pushtuar nga impasi dhe palëvizshmëria. Jam i bindur se këto zgjedhje do të shënojnë zhvillim në përmirësimin e transparencës financiare" tha ai.

Ndërsa përfaqësuesja e Institutit Demokratik Amerikan theksoi se "Kemi vënë re që partitë nuk kanë raportuar si duhet në KQZ për ata që kanë shpenzuar në fushatat e kaluara dhe kjo ka qenë edhe temë diskutimi në KiE. Partitë duhet të raportojnë për publikun, ku kanë ardhur këto para dhe si janë shpenzuar".

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Vrasja e Pëllumb Metës, ekspertiza konfirmon: Arma e gjetur në pellgun me ujë u përdor për krimin

Vrasja e Pëllumb Metës, ekspertiza konfirmon: Arma e gjetur në pellgun me ujë u përdor për krimin