POP 5

Lajmet më të lexuara të 5 minutave të fundit

Politikë

Kriza në PD, Flamur Hoxha: Rrezikon të mbetemi në opozitë dhe për 1 dekadë! ‘Rithemelimi’ s’ka vullnet për bashkim, të anulojë zgjedhjet në degë

Deputeti i Partisë Demokratike Flamur Hoxha, i cilëson përjashtuese zgjedhjet në strukturat e PD nga Komisioni i Rithemelimit. Ai thotë se anëtarësia po e braktis procesin ndërsa paralajmëron bojkot të kuvendit të 30 prillit. Nëse PD nuk demonstron vullnet për bashkim, për Hoxhën, selia blu do të mbetet opozitë edhe për një dekadë.

“Nëse vazhdojmë kështu ndoshta edhe për një dekadë do jemi në opozitë”. Kjo është frika për të ardhmen e Partisë Demokratike, e deputetit Flamur Hoxha, në optikën e të cilit, selia blu nën drejtimin e Komisionit të Rithemelimit vijon të tregojë mungesë vullneti për zgjidhjen e krizës.

“Jam skeptik për bashkimin duke parë tendencën e shumë anëtarëve të Komisionit të rithemelimit, që prevalon drejt interesave të ngushta për një parti demokratike”, u shpreh Hoxha. 

Ndasinë e parë, ligjvënësi demokrat e sheh te zgjedhjet e nisura nga Rithemelimi në bazë, që po zëvendëson drejtuesit lokalë. Sipas tij, ky proces po demonstron 2 tipare: përjashtim dhe braktisje. 

 “Gjykoj dhe mendoj se është proces i njëanshëm që nuk bën bashkimin e PD. Fakti që vetëm një pjesë e vogël e PD mori pjesë në këtë proces, demostron që pakica i bashkohet këtij procesi. I referohem zgjedhjeve të djeshme në Fier. Nga rreth 5000 anëtarë të PD në këtë degë, morën pjesë vetëm 806 anëtarë, pjesëmarrja për zgjedhjet e kryetarëve të partisë është vetëm rreth 14%. Është proces i shpejtë, i nxituar dhe për mendimin tim duhet të anulohet.”, tha deputeti.

Flamur Hoxha thotë se grupi parlamentar, përfshirë Sali Berishën duhet të nisë në mënyrë imediate debatin e brendshëm, ku secili prej deputetëve, të parashtrojë zgjidhje. Propozimet e tij, i ka të qarta:

 “Nuk gjykoj që grupi parlamentar duhet të përjashtojë nga vetvetja. Çdo deputet duhet të ketë një platformë. Duhet të jemi koherentë në qëndrimet tona,ne bashkë ishim edhe pas 25 prillit, ku secili nga ne nuk mori përgjegjësitë dhe nuk bëmë një analizë për përgjegjësitë tona.Secili prej nesh duhet të largohet nga interesat personale. PD ka patur gjithmonë nevojë që të rinovohet, të jetë përtej interesave personale të atyre të cilët heshtën, dhe nuk dolën mbi veten për t’i dhënë një leksion PD për të qënë një parti e hapur sepse vetëm kështu PD mund të bëhet një forcë qeverisëse.”, tha ai.

Por a qëndron tek ai kushti që kapërcimi i ndarjes në dy grupime të Partisë Demokratike bëhet me largimin edhe të Berishës?   

"Kjo është një pyetje që do kohë, reflektim dhe angazhim, por ajo që mund të them që mbetet kontribues dhe nuk më takon të bëj një përjashtim të tillë.", tha deputeti. 

Takimet e Lulzim Bashës nuk i sheh me shqetësim, pasi sipas deputetit Hoxha, ato janë mënyrë për të qenë pranë demokratëve, dhe jo axhendë paralele e kryetarit të dorëhequr të PD, sic akuzohet nga grupimi Berisha.

“Të jesh pranë demokratëve, nuk do të thotë se i fryn zjarrin”, tregoi Hoxha. 

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Loran shehu: 11/04/2022 15:57

    Po kush je ti mo zoteri qe jep mend ,ke perfaqson nje her e cte lidh me PD ty

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46