POP 5

Lajmet më të lexuara të 5 minutave të fundit

Media

Kriza, Shekulli e Panorama
rrisin çmimin e gazetës

Kriza, Shekulli e Panorama<br />rrisin çmimin e gazetës
TIRANE- Dy të përditshme shqiptare, “Shekulli” dhe “Panorama” paralajmërojnë nga nesër rritjen e çmimit të gazetës me 1o lekë më shumë. Në dy shënime redaksionale, gazeta “Shekulli” nëpërmjet një letre të hapur të Ardian Thanos, prej vitesh kryeredaktor i kësaj gazete, sot makroeditor “Jetë”, dhe Panorama nëpërmjet një shkrimi redaksional, jo me pak siklet, njoftuan sot lexuesin e tyre për rritjen e çmimit nga 20 në 30 lekë nga dita e nesërme. Të dy gazetat ia lënë në dorë lexuesit gjykimin dhe ata që do të marrin vendimin e tyre padyshim.

Gazeta "Shekulli" e lidh rritjen e çmimit me sulmin “e lig e primitiv, të pandalshëm të qeverisë mbi këtë gazetë dhe mbështetësit të saj financiar sot në rolin drejtëpërdjejtë të kryeredaktorit, Koço Kokëdhima; të ardhurat e pakta nga reklamat ,të cilat në versionin print të gazetës po shkojnë drejt zeros, ndërsa ato të versionit online janë inegzistente,” dhe me të vërtetën tjetër se “reklamuesit marrin porosi dhe shantazhe nëse shfaqen në fate e një gazetet kritike me qeverinë”; si dhe me zhvlerësimin e lekut dhe investimet në vitin e kaluar për gazetën.

"Panorama" e lidh me krizën ekonomike, rënien e ndjeshme të reklamave dhe vështirësitë që ka media e shkruar përballë asaj elektronike.
“Është gjithnjë e pakëndshme kur njofton për një rritje çmimi por kriza ekonomike që na ka përfshirë tashmë prej vitesh, një rënie e ndjeshme e reklamave dhe vështirësitë e njohuira të medias së shkruar përballë asaj elektronike online na kanë detyruar prej kohësh të rishikojmë çdo shpenzim tonin. Kemi eliminuar gjithçka që kemi konsideruar të panevojshmë në këto kushte dhe gazetaret tanë kanë pranuar shkurtime e sakrifica. Por nuk duam të vëmë në diskutim cilësin e produktit.”- shkruan Panorama në njoftimin e saj redaksional.
(sg/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

VIDEOLAJM/ Vlora bëhet gati për ceremoninë e ngritjes së flamurit

VIDEOLAJM/ Vlora bëhet gati për ceremoninë e ngritjes së flamurit

28 Nëntor, 08:36