Në historinë e pluralizmit, legjislatura e 9 e parlamentit shqiptar, e mbyllur në 7 korrik, do të ketë një vend të veçantë. Shumë mandate u lanë pa përfunduar, e për herë të parë, 68 deputetë nuk arritën ta çonin deri në fund 4-vjecarin në parlament, sipas një raporti të publikuar edhe nga vetë Kuvendi.
Nga 65 deputetë të PD, LSI dhe PDIU, vetëm Myslym Murrizi, Rudina Hajdari, Lefter Koka, Robert Bitri dhe Reme Lala e çuan deri në fund mandatin e tyre, ndërsa të tjerët e braktisën duke krijuar një vakum në jetën parlamentare. Por shumë shpejt u zëvendësuan. Njëri pas tjetrit, të gjendurit fare rastësisht në vendet e fundit të listave të Bashës, Kryemadhit e Idrizit u ulën në karriget e tyre në parlament.
Zëvendësime të bujshme qenë shumë prej tyre. Lulzim Basha u zëvendësua nga Majlinda Halilaj, e ashtuquajtura deputetja e ‘kërporatave’, Sali Berisha nga Kostaq Papa, Monika Kryemadhi nga Suzana Topi, Kujtim Gjuzi zëvendësoi Oerd Bylykbashin, ndërsa Selami Jenihsheri i mori vendin doktorit Halim Kosova, e Adriatik Alimadhi vendin e Agron Shehajt.
Pavarësisht zëvendësimeve të shpejta, 18 mandate mbetën deri në fund vakanca të paplotësuara. Karriget e Aldo Bumçit, Andon Frrokaj, Bardh Spahisë, Dashamir Shehit, Edi Palokës, Endri Hasës, Enkelejd Alibeajt, Florion Mimos, Genc Pollos, Isuf Celajt, Lindita Metaliajt, lorenc Lukës, Luan Baçit, Luciano Bocit, Nard Ndokës, Vangjel Dules, Xhemal Gjunkshit mbetën bosh deri në seancën e fundit plenare të 7 korrikut të 2021.
Edhe mandati i Jorida Tabakut mbeti vakancë, pasi ndonëse fillimisht u mor nga Indrit Hoxha, ky i fundit nuk pranoi të bënte betimin. Por djegia e mandatit nuk qe e vetmja arsye përse deputetët e legjislaturës së nisur në 2017 të mos e përfundonin atë. Ligji i dekriminalizimit i hoqi të drejtën e të qenit deputet dy prej përfaqësuesve të opozitës në parlament, Gledion Rahovicës të LSI, i zëvendësuar fillimisht nga Silva Caka dhe Aqif Rakipit të PDIU, i zëvendësuar nga Dritan Bici.
Edhe nga mazhoranca, 7 prej deputetëve nuk e çuan dot deri në fund mandatin. Nën hetim për trafik droge, më 3 mars 2018, ish ministri i Brendshëm Saimir Tahiri dha dorëheqjen për tu për përballur me drejtësinë si qytetar i thjeshtë. Vendin e tij në parlament e zuri Spartak Braho. Flamur Golemi, Ilir Xhakolli, Nuri Belba, Pjerin Ndreu dhe Rakip Suli hoqën dorë po ashtu nga mandati i deputetit për të marrë pjesë në zgjedhjet vendore të 2019, e për t’u zgjedhur kryebashkiakë.
I fundit deputet, që nuk mundi ta përfundonte mandatin, ndonëse jo me vullnetin e tij, ishte Bashkim Fino, i cili u nda nga jeta më 29 mars të këtij viti për shkak të koronavirus. Vendin e tij, e zuri Gentiana Cakrani në 25 maj. Zëvendësimet sollën edhe një ndryshim në raportin meshkuj-femra në parlament. Nëse në nisje të legjislaturës, në parlament kishte 39 gra dhe 101 burra, ndërsa në fund të saj 38 gra dhe 84 burra.
Për shkak të një 4-vjeçari të pazakontë, detyra e parë e parlamentit të ri mbetet kthimi në shina i tempullit të ligjvënësve. Më pas, deklaratat për ndryshime të rëndësishme ligjore e kushtetuese do të duhet të përkthehen në propozime konkrete për të çuar para reforma të rëndësishme.
Komente
Lajme të tjera
-
Kuvendi miraton në parim pr/buxhetin e vitit 2025, PS kalon portofolin 8.2 miliardë euro me 75 vota! PD-së i dështon protesta
19 Nëntor, 20:40 -
'Opozita u kthye në parlament, e bindi zëri i arsyes!', Lorenc Vangjeli në 'Frontline Interview': Fati i keq i Berishës po ndikon tek ajo! Politikanët janë të trembur
19 Nëntor, 19:03 -
Kundër pr/buxheti 2025, dështon protesta e PD-së para Kuvendit! Zgjati më pak se 2 orë, Berisha kishte bërë thirrje të vazhdonte deri kur të bëhej votimi
19 Nëntor, 16:11 -
Kuvendi debat për vrasjen e 14-vjeçarit, Zhupa: Manastirliu të dorëhiqet, ku e çuat 'Paketën e Sigurisë' në shkolla? Balla: Mos bëni politikë, na jepni votat ta miratojmë! PD 1 minutë heshtje pa PS
19 Nëntor, 07:25 -
Projekt-buxhetin 2025 në parlament/ Toska: Fjalimi i Ramës i vjetëruar, iu shmang debatit! PD me protestën nesër kërkon të karikojë njerëzit para zgjedhjeve
18 Nëntor, 17:59 -
Vrasja e 14-vjeçarit bëhet ‘mollë sherri’ në Kuvend/ Zhupa: Ministrja e Arsimit të japë dorëheqjen me turp, përgjegjës dhe ai i Brendshëm! Manastirliu: Të mos promovojmë gjuhën e urrejtjes
18 Nëntor, 15:21 -
Edi Rama: 100 - 150 euro bonus për pensionet në fundvit, marrin edhe në pranverë! Qylymat fluturues të Sudes e Rrapushëve tregojnë një tufë përrallash (Fjala e plotë në Parlament)
18 Nëntor, 14:48
-
Buxheti 2025/ Si do të shpërndahen 8 miliardë euro! Fjala e plotë e ministrit të Financave Petrit Malaj
18 Nëntor, 14:33 -
Buxheti 2025 në Kuvend 12 orë diskutime/ Rama: 100 - 150 euro bonus për pensionistët në fundvit, marrin edhe në pranverë! S'rrisim taksat! PD: Mashtrim, i shërben oligarkëve, sjellin në seancë flamurin serb
18 Nëntor, 07:19 -
Buxheti 2025/ Bardhi: Rama ka para që të paguajë inceneratorët që s’ekzistojnë, por jo për pensione dinjitoze! Në 12 vjet nuk bëri asgjë, më të ulëtat në rajon
17 Nëntor, 15:21 -
Protesta e të martës/ Berisha: Mobilizim brenda dhe jashtë Parlamentit, duam minimumin jetik prej 200 eurosh! Anëtarët e PD më aktivë në rrjetet sociale, takime me Diasporën
15 Nëntor, 15:21 -
Ministri Gonxhja-Nokës: Ke përfituar nga Enti Kombëtar i Banesave! Vëllezërit dhe motra morën banesa, për çfarë morali flet?! Do përgjigjesh ligjërisht! Deputeti: Asgjë nuk është dhënë nga shteti
14 Nëntor, 14:03
Mbase duhet pare dhe numri I tepert i deputeteve per numer popullsie, ke shtete me mbi 65 milione banore dhe kane nga 550 deputet kurse Shqiperia 140 per 3 milione banore. Ose mbase ka kaq shume sepse eshte shtet i pasur me drogat qe e mbjellin majtas djathtas
Përgjigju