FUSHE-KRUJE - Një ditë festive ka qenë 1 Qershori edhe për fëmijët e ngujuar nga fenomeni i gjakmarrjes. Në “Shtëpinë e Paqes” në Fushë-Krujë, Instituti i Drejtësisë dhe Pajtimit Kombëtar, organizoi një ceremoni të veçantë për fëmijët jetimë dhe ata që janë të ngujuar nga gjakmarrja.
 
Në këtë aktivitet, morën pjesë përfaqësues të shoqatave të ndryshme të gjakmarrjes, jo vetëm nga vendi, por edhe nga Kosova. Ata bënë apel në kuadër të ditës së 1 Qershorit, për më shumë paqe dhe zbutjen e fenomenit të gjakmarrjes.
 
Në fund të aktivitetit, fëmijëve të ngujuar u janë shpërndanë edhe shumë libra dhe dhurata të ndryshme.

Redaksia online
(e.s/shqiptarja.com)