Tirane- Shqiptarja.com siguron dosjen ndaj kryetarit socialist të bashkisë së Libohovës, Leonard Hide i cili akuzohet se bashkëpunoi për të lejuar kultivimin e kanabisit kundrejt fitim gjatë kohës që ishte shef i Krimeve në komisariatin e Gjirokastrës.
Aktualisht dosja është në SPAK pasi prokuroria e Gjirokastrës më 12 qershor 2023 shpalli moskopetencën e saj pasi Hide fitoi zgjedhjet vendore të 14 majit 2023 duke u shpallur kryetar i bashkisë së Libohovës.
Ai akuzohet për ‘Shpërdorim detyre" kryer në bashkëpunim, parashikuar nga nenet 248 e 25 të Kodit Penal
Bëhet fjalë për 5 episode gjatë 2021 ku me dron janë konstatuar në zonat Panjë, Zhulat dhe Kolonjë, parcela me bimë të kultivuara, ose gati për tu kultivuar por nga ana e seksionit të krimeve në Komisariatin e Policisë Gjirokastër nuk janë ushruar kontrolle të mëtejshme dhe nuk janë ndjekur në vijimsi.
Në dy episode janë nisur grupe kontrolli nga Tirana në një operacion policor të fshehtë për të identifikuar parcelat për të cilat drejtuesit e komisariatit të Gjirokastrës kishin mbyllur sytë. Në një rast në zonën e "Panjës" Zhulat u zbuluan 2 parcela me kanabis me gjithsej 780 bimë narkotike në një distancë 1 km larg rruges pikërisht në zonën ku policia e Gjirokastrës kishte kryer kontroll por nuk kishte raportuar asgjë. Ndërsa në zonën e quajtur "Lugu i gjatë" Kolonjë, u gjet një terren me 900 gropa të hapura ku evidentoheshin qartësisht bimë të shkulura narkotike në nxitim e sipër. Parcela ishte 36 metra larg rrugës e sërish nuk ishe identifikuar.
Kush ishte roli i Hides?
Sipas prokurorise Hide nuk ka ndjekur hetimet.
"Strukturat e hetimit të krimeve të drejtuara nga Leonard Hide në asnjë rast nuk kanë ndjekur me hetime të mëtejshme të dhënat e evidentuara në raportet e shërbimeve të dt. 02.06.2021, 02.09.2021, 10.09.2021 që ju takonin zonave Panjë, Zhulat dhe Kolonjë, nuk kane perpiluar informacione per DVP Gjirokaster, nuk kane evidentuar pronarin/poseduesin e parcelave si dhe nuk kane ushtruar rikontrolle ne territor.
Roli i ish shefit te komisariatit Besnik Lila
Në dosje zbulohen dhe emrat e strukturës së komisariatit të Gjirokastrës që kanë bashkëpunuar, mes tyre dhe Ish shefi i komisariatit në Gjirokastër, Besnik Lila i cili u pezullua nga detyra në 2021 për asgjësimin e kanabisit që u bënë nga efektivë të Tiranës në rrethin Gjirokastër.
Në analizë të episodeve rezulton evidente se strukturat e policisë të Komisariatit Gjirokastër të drejtuara nga shtetasi Besnik Lila kanë shkelur në mënyrë flagrante nenin 17 pika 1 g. "c" të Ligjit Nr. 108/2014 "Për policinë e shtetit” në parandalimin e kultivimit të bimëve narkotike zonat Panjë, Zhulat dhe Lugu i gjatë, Kolonjë.
Konkretisht Shefi i Komisariatit Besnik Lila në detyrat e tij kontrolluese në asnjë episod nuk ka urdhëruar strukturat e tij për rikontrolle në zonat ku janë gjetur terren me gropa të hapura, si në episodin e dt. 02.06.2021, apo terren me bimë cannabis sativa, si në episodet e dt. 02.09.2021 dhe 10.09.2021.
Shefi i Komisariatit Besnik Lila ka krijuar një bërthamë individësh në çdo kontroll të përbërë nga H. Musaraj, M. Dine, E. Late dhe G. Nelaj të cilët duke njohur terrenin kanë mënjanuar kontrollet e grupeve nga vendet ku kishte risk të lartë kultivimi (pas evidentimit te kultivimit apo gropave).
Për më tepër në raste flagrante si ato të dt. 02.09.2021-24.09.2021 ku terrenet kanë qënë vetëm 300 metra larg njëri-tjetrit Hajdin Musaraj, Edmond Late apo Geraldo Nelaj nuk kanë hapur dosje gjurmimi apo nuk kanë verifikuar terrenin në thellësi apo të marrin informacione operative për zonën.
Personat në hetim në këtë dosje janë: Besnik Lila, Leonard Hide, Hajdin Musaraj, Marenglen Dine, Edmond Late dhe Geraldo Nelaj. "Në bashkëpunim me njëri-tjetrin, me mosveprim, kanë favorizuar persona të pa identifikuar ne kultivimin e bimëve narkotike" thuhet në dosjen e prokurorise se Gjirokastrës.
Kur nisën hetimet?
Hetimet nisën pasi Shërbimi për Çështjet e Brendshme dhe Ankesat referoi në Prokurorinë e Gjirokastrës një material procedural në ngarkim të disa punonjësve të policisë së Komisariatit Gjirokastër të cilët në periudhën Maj-Shtator të vitit 2021 me dashje dhe me mosveprim kanë favorizuar persona të pa identifikuar në kultivimin e bimëve narkotike në zonën e "Panjës" Zhulat dhe në zonën e Kolonjës në vendet e quajtura "Burimi i Qafave" dhe "Lugu i gjate".
Prokurori që firmosi moskopetencën dhe e delegoi në SPAK është Gazmend Frëngu.
Dosja u sigurua nga gazetarja Keti Banushi
(Kliko këtu ) Dokumenti i plote
Pjese nga dosja
Tirane- Shqiptarja.com dhe Report Tv siguron dosjen që prokuroria e Gjirokastrës kopsiti për kryetarin aktual të bashkisë së Libohovës, Leonard Hide. Dosja i kaloi SPAK për kompetencë pasi ish shefi i krimeve të Gjirokastës pas zgjedhjeve vendore të 14 majit 2023 u ul në karrigen e kryebashkiakut.
Hide akuzohet për 'shpërdorim detyre' se lejoi kultivimin e kanabisit kundrejt fitim gjatë kohës që ishte shef i Krimeve në komisariatin e Gjirokastrës.
Hetimi nisi në 2021 pasi SHÇBA dorëzoi dosjen në prokurorinë e Gjirokastrës duke akuzuar disa punonjës të policisë së Komisariatit të këtij qyteti se në periudhën Maj-Shtator të këtij viti 'me dashje dhe me mosveprim kanë favorizuar persona të pa identifikuar në kultivimin e bimëve narkotike në zonën e "Panjës" Zhulat dhe në zonën e Kolonjës në vendet e quajtura "Burimi i Qafave" dhe "Lugu i gjate' thuhet në dosje.
Në atë kohë drejtori i policisë së Gjirokastrës kishte miratuar planin dhe nxjerrë urdhrin e datës 11 shkurt 2021 me të cilën u krijuan grupet e komandimit të kontrollit të territorit në rang drejtorie dhe në rang komisariatesh kundër kultivimit të kanabist. Në policinë e Gjirokastrës kryetar grupi u caktua Shefi i Komisariatit të asaj Besnik Lila. Ky i fundit me urdhrin e 5 majit 2021 cakton grupet e kontrollit që do të mbulonin kompetemcat territoriale që do të bënin zbulimin e zonave që më pas do të vijohej me zbulimin e autorëve dhe përpilimin e dosjeve nga shefi i krimeve dhe shefi i komisariatit.
Por sipas dosjes së prokurorisë së Gjirokastrës shefi i atëhershëm i Komisariatit Besnik Lila kishte krijuar një bërthamë individësh në çdo kontroll të cilët duke njohur terrenin kanë mënjanuar kontrollet e grupeve nga vendet ku kishte risk të lartë kultivimi
Në dosje evidetohen 5 episode
1 - Droni identifikon gropat e hapura por askush nuk bën kontroll
Episodi i parë i takon 2 qershor 2021
Grupi i kontrollit evidentoi se në zonën e "Panjës" Zhulat. bashkia Kolonjë, droni identifikon një terren të hapur me gropa por pa bimë të kultivuara. Për këtë episod drejtuesi i grupit Klodian Elmazi sqaron në deklarimet e tij se gropat janë konstatuar me dron dhe nuk janë evidentuar fizikisht pasi duhet të kryheshin kontrolle të tjera në territor. Kontrolli i mëtejshëm i tyre duhet të ndiqej në vijimësi nga seksioni i krimeve në Komisariatin e Policisë Gjirokastër. Por...
"Në të vërtet nga ana e Komisariatit të Policisë Gjirokastër nuk është kryer asnjë veprim në vijimësi. Vetë oficeri i krimeve të zonës Hajdin Musaraj dhe agjenti Marenglen Dine nuk kanë çelur asnjë dosje gjurmimi dhe as kanë kryer veprime procedurale referimi ne prokurori për rastin. Shefi i Komisariatit Besnik Lila dhe Shefi i Krimeve Leonard Hide nuk kanë ndjekur në vijimësi rastin dhe as nuk është ushtruar kontroll në terren me këmbë për të verifikuar nëse terreni ka qënë me gropa të hapura rishtazi apo me gropa të vjetra. Në të njëjtën kohë specialisti Geraldo Nelaj ka qënë në zonën ku nuk është kompetencë e tij por e spz Indrit Duro i cili është mënjanuar nga kontrolli i territorit së bashku me përgjegjësin e grupit Julian Qibini.
Nga zinxhiri komandues i Komisariatit Gjirokaster (Shef Komisariati dhe Shef Krimesh) nuk eshte kryer asnje prej veprimeve te mesiperme, as eshte ushtruar kontroll ne zonen ku eshte konstatuar terreni me gropa te hapura gati per mbjellje dhe as nuk eshte pergatitur informacion per rastin' thuhet në dosjen e SPAK.
Episodi 2, 2 shtator 2021
Tek 'Barimi i Qafave' ne Kolonje gjenden 40 bime kanabis, por s'u be krehja e zones
Më 1 shtator 2021 drejtori i Gjirokastrës urdhëroi të kontrollohet vendi i quajtur "Barimi i Qafave" . Grupi në vendin e quajtur "Burimi i qafave" në fshatin Kolonjë pas kontrollit me dron ka konstatuar një terren të hapur rishtazi me rreth 40 bime narkotike cannabis sattiva me gjatës 50-70 cm. Megjithëse janë kryer veprimet procedurale nuk është vijuar me krehjen e mëtejshme të territorit në këtë zonë apo në ditët në vijim, pavaresisht zonës me risk të lartë.
“Shefi i Komisariatit Besnik Lila dhe Shefi i Krimeve Leonard Hide nuk kanë ndjekur në vijimësi rastin dhe as kane kerkuar rikontroll në ditët në vijim të zonës përreth. Veprimet e kerkuara jane kryer as nga grupi kontrollit ne terren dhe as jane kerkuar ne vijimesi nga zinxhiri komandues i Komisariatit (Shef Komisariati dhe Shef Krimesh) pasi jane vendosur ne dijeni” vijohet në dosjen e SPAK.
Episodi 3 I përket 10 shtatorit 2021
Ne 'Panjë' në gropat e hapura lulëzon kanabisi, por sërish asnjë kontroll
Nga komisariati i policisë së Gjirokastrës u firmos urdhri i dytë për kontrollin e njësisë administrative Cepo, ku përfshihet zona e Panjës Zhulat. Grupi në dt. 10.09.2021 ushtroi kontroll në vendin e quajtur "Shtegu i lagjit në Panjë", zona "Panje", Zhulat dhe në një terren të hapur rishtas u evidentuan 37 gropa me bimë të kultivuara narkotike cannabis sativa.
Në dosje thuhet se terreni me bimë narkotike është gjetur në të njëjtën zonë ku është ushtruar kontrolli i dt. 02.06.2021, për të cilin ka qënë detyrim i Komisariatit të Policisë kryerja e kontrolleve të vijueshme. Megjithëse janë kryer veprimet procedurale nuk është vijuar me krehjen e mëtejshme të territorit në këtë zonë në ditët në vijim duke patur parasysh zonën me risk të lartë
“Shefi i Komisariatit Besnik Lila dhe Shefi i Krimeve Leonard Hide nuk kanë ndjekur në vijimësi rastin dhe as kane kerkuar rikontroll në ditët në vijim të zonës përret, konstatohet ne dosje
Episodi 4 përkon me 22 shtator 2021
Ne Panje lulezon kanabisi ne dy parcela 1 km larg rruges
Më 22 shtator zhvillohet një operacion policor i fshehtë në bashkëpunim midis DVP Gjirokastër dhe Drejtorisë së Përgjithshme të Policisë së Shtetit pa përfshirë strukturat e Komisariatit të Policisë Gjirokastër.
Kontrolli bëhet në zonën e "Panjës" Zhulat, ku policia e Gjirokastrës në qershor kishte konstatuar gropa të hapura dhe 3 muaj më pas 37 bimë narkotike. Nga kontrolli me dron nga e njëjta pikë ku ishte ushtruar kontrolli i datës 02 qershor 2021 zbulohen 2 parcela me kanabis me gjithsej 780 bimë narkotike
"Krahasimi i koordinatave në aplikacionin "Google Earth Pro" tregon se vendi ku është ushtruar kontroll në dt. 10.09.2021 nga grupi me përgjegjës punonjësin e policisë Hajdin Musaraj është në distancë prej vetëm >1 km rruge tokesore< nga dy parcelat e konsiderueshme me rreth 780 bime narkotike te gjetura ne dt. 22.09.2021 nga Drejtoria e Pergjithshme e Policise. Kjo distancë është lehtësisht e verifikueshme me dron dhe nga grupi i kontrollit me dashje nuk është referuar për asgjesim. Shefi i Komisariatit Besnik Lila dhe Shefi i Krimeve Leonard Hide nuk kanë ndjekur në vijimësi rastin dhe as kane kerkuar rikontroll në ditët në vijim të zonës përreth.
Nese do te respektohej Urdhri i DPPSH Nr. 484, dt. 16.05.2018 "Per parandalimin, hetimin dhe goditjen e veprimtarise kriminale te kultivimit te bimeve narkotike" pika 3.3 per kontrollin e territorit ne nje rreze prej 1 km nga vendi ku konstatohen bimet narkotike, parcelat e dt. 22.09.2021 do te ishin konstatuar qe ne dt. 10.09.2021 pasi ne rruge tokesore jane vetem >1 km-larg" thuhet ne dosje
900 bime kanabis 360 metra larg rruges
Episodi i fundit perkon me 24 shtator 2021
Një grup i ardhur nga Drejtoria e Përgjithshme e Policisë së Shtetit ushtroi kontroll në zonën e quajtur "Lugu i gjatë" Kolonjë, ku në afërsi të stanit të marrë me qira nga shtetasi Hysenj Hoxha gjendet një terren me 900 gropa të hapura ku evidentoheshin qartësisht bimë të shkulura narkotike në nxitim e sipër.
"Krahasimi i koordinatave të dt. 02.09.2021 në aplikacionin "Google Earth Pro" tregon se vendi ku është ushtruar kontroll në vendin e quajtur "Burimi i qafave" Kolonjë, me terrenin me 900 gropa të dt. 24.09.2021 në vendin e quajtur "Lugu i gjatë" Kolonjë, janë në një distancë prej >366 metrash rruge tokesore<. Përsëri në këtë episod rezulton qartë mosveprimi me dashje i strukturave të Komisariatit të Policisë Gjirokastër për kontrollin e territorit në zonën e fshatit Kolonjë, ku edhe pse në dt. 02.09.2021 është gjetur terren me bimë narkotike nuk është ushtruar kontroll i mëtejshëm"
Po ashtu nga deklarimet e Kryeplakut të fshatit Kolonjë, vendi i quajtur "Lugu i gjatë" e merr ujin nga burimi më i afërt që është "Burimi i qafave". Berthama e grupit te kontrollit te dt. 02.09.2021, H. Musaraj, E. Late dhe G. Nela vetem duke ushtruar kontrollin ne burimin e ujit do te kishin evidentuar tubacionet e marrjes se ujit per parcelen ne vendin e quajtur "Lugu i gjate", Kolonje.
"Nese do te respektohej Urdhri i DPPSH Nr. 484, dt. 16.05.2018 "Per parandalimin, hetimin dhe goditjen e veprimtarise kriminale te kultivimit te bimeve narkotike" pika 3.3 per kontrollin e territorit ne nje rreze prej 1 km nga vendi ku konstatohen bimet narkotike, parcela e dt. 24.09.2021 do te ishte konstatuar qe ne dt. 02.09.2021 pasi ne rruge tokesore jane vetem >366 metra larg' thuhe ne dosje.
Lajme të tjera
-
Spitali i Gjirokastrës fluks pacientësh nga alergjitë e stinës! Mjekja: Mos neglizhoni, kalon në astmë bronikale
24 Prill, 15:30
-
Malësi e Madhe, banesa dy katëshe u kthye në laborator droge! Në kërkim pronari, në hetim 5 punonjës të OSHEE-së (EMRAT+VIDEO)
23 Prill, 09:55 -
Turistët e huaj vizitojnë Gjirokastrën, 4 mijë në 3 muaj e parë të vitit! Operatorët turistikë: S’ka punëtorë, do marrim nga Lindja e Mesme
19 Prill, 15:41
-
Gjirokastër/ Nuk iu bind urdhrit të policisë, arrestohet 37-vjeçari, në automjet kishte 11 emigrantë
18 Prill, 13:01 -
Gjirokastër, ndalohet 'Jaguar' me dy thasë me kanabis brenda, me një makinë tjetër monitorohej rruga
16 Prill, 12:30 -
Digjet një dyqan në lagjen ’11 janari’ në Gjirokastër
13 Prill, 07:39 -
Kthyen stanin në 'shtëpi bari', Report Tv siguron videon e arrestimit të Armando Ndrecës, vëllait të deputetit të PS! U prangos pranë një servisi në Lezhë
12 Prill, 08:54 -
Tentoi të kalojë nga Kakavija pa deklaruar 25 mijë euro, vihet nën hetim 60-vjeçari
11 Prill, 14:23 -
Kthyen stanin në ‘shtëpi bari’ në Lezhë, 2 në pranga! Ndalohet vëllai i deputetit të PS, Eduard Ndreca! Sekuestrohen 3 mijë bimë kanabisi (VIDEO)
11 Prill, 10:25 -
Shqipëri, të ndërtosh një të ardhme përmes agroturizmit
7 Prill, 22:50 -
Policia në Shqipëri nis heqjen e 'varrezave' të makinave, por është edhe vetë në shkelje të ligjit
5 Prill, 22:06 -
Gjirokastër, lugina e Drinos mikpret lejlekët
4 Prill, 09:02
