POP 5

Lajmet më të lexuara të 5 minutave të fundit

Sociale

Veliaj shpërndan ndihma për të moshuarit e vetmuar në Njësinë 11: Pas kalimit të kësaj situate, nisim një sërë investimesh

Bashkia e Tiranës vijon çdo ditë  të trokasë në shumë dyer, nga “Don Bosko” në Laprakë, “Josif Pashko”, Kodër Kamëz, tek zona e Treshit dhe Bregu i Lumit, për të ndihmuar familjet në nevojë, familjet që trajtohen me paaftësi dhe gjyshërit e vetmuar.

Veliaj shpërndan ndihma për të moshuarit e vetmuar në Njësinë 11: Pas kalimit të kësaj situate, nisim një sërë investimesh

Foto nga Veliaj ne Njesine 11

Ashtu si në 26 njësitë e tjera, edhe në Njesinë 11, Bashkia e Tiranës vijon çdo ditë  të trokasë në shumë dyer, nga “Don Bosko” në Laprakë, “Josif Pashko”, Kodër Kamëz, tek zona e Treshit dhe Bregu i Lumit, për të ndihmuar familjet në nevojë, familjet që trajtohen me paaftësi dhe gjyshërit e vetmuar.

Zyrës së shtypit, kryetari i Bashkisë së Tiranës, Erion Veliaj, ishte në familjet e Esat dhe Ana Xhotës, Hajredin Caushit me bashkëshorten, Çaush Muskollarit si dhe në familjen e Baki Avdolli, të cilët këtë periudhë po e kalojnë të vetëm. Teksa  u kërkoi që të qëndrojnë në shtëpitë e tyre dhe të respektojnë masat e marra, kryebashkiaku i siguroi se për çdo nevojë, do të kenë pranë përfaqësuesit e Bashkisë së Tiranës, qoftë për ushqime apo për marrjen e ilaçeve. 

“Është një nga zonat më nevojtare, ka njerëz të ardhur në Tiranë vitet e fundit, dhe e kanë gjetur Treshin, Laprakën, Kodër-Kamzën si stacionin e parë. Do vetëm pak kujdes tani”, tha ai.

Vetëm në Njësinë 11 janë mbi 280 të moshuar të cilët jetojnë vetëm dhe këtë periudhë po ndihmohen në ushqime edhe ilaçe nga rrjeti i vullnetarëve i ngritur nga Bashkia e Tiranës.

Kreu i Bashkisë nënvizoi se kjo njësi do të njohë një sërë investimesh që synojnë të urbanizojnë edhe më tej këto zona. 

“Tani që do fillojmë të punojmë me organizimin e zonave, duhet të punojmë pak më mirë, duhet të bëjmë trotuaret”, deklaroi Veliaj

Janë mbi 900 familje në Njësinë 11 që marrin ndihma, ndërkohë që bashkë me të rinjtë e njësisë është koordinuar procesi  i shpërndarjes së ndihmave ushqimore për familjet në vështirësi ekonomike, pensionistët e vetmuar, për të përballuar kushtet e izolimit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Ylli Pata: Legjendat elektoralo-amerikane të Sali Berishës

Ylli Pata: Legjendat elektoralo-amerikane të Sali Berishës

25 Dhjetor, 20:00 nga Ylli Pata