POP 5

Lajmet më të lexuara të 5 minutave të fundit

Kronikë

Kryegjyqtari i Beratit me “fat”
i bie shorti për çdo dosje! 

Caktimi i gjyqtarëve në një çështje për të shmangur ndikimet apo fenomenin e korrupsionit në gjykatat shqiptare është detyrim ligjor të bëhet me short elektronik. Por kjo nuk ka shqetësuar aspak kryetarët e gjykatave ta bëjnë shortin fiktiv duke vendosur vetë në çdo trup gjyqësor siç ka rezultuar në gjykatën e Beratit. Janë këto gjetjet e një raporti të Këshillit të Lartë të Drejtësisë për inspektimin e viteve 2012-2013 një kopje të së cilës A1Report ka siguruar. 
TIRANE - Hedhja e shortit për përcaktimin e gjyqtareve në gjykatat shqiptare mbetet ende larg standardeve të kërkuara dhe rekomandimeve të Komisionit Evropian për Shqipërinë duke mbetur në dorë një individi që rezulton të jetë kryetari i Gjykatës.

Është ky rezultati i inspektimit të Këshillit të Lartë të Drejtësisë në 30 gjykata në të gjithë Shqipërinë ku rezulton se në 50 % të tyre procedurat e shortit janë thjesht formale dhe gjithçka vendoset nga kreu i gjykatës.

Rasti më flagrant i dal nga ky inspektim është ai i gjykatës së Beratit ku sipas raportit të KLD-së rezulton se kreu i gjykatës në këtë rreth ka vendosur veten e tij si pjesë e çdo trupe gjyqësore.

Sipas të njëjtin raport kreu i gjykatës Berat kur rezulton të jetë kreu i trupit gjykues bën short manual për përcaktimin e 2 gjyqtarëve ndihmës.

Ndër gjykatat ku procedurat e shortit elektronik për periudhën 2012-2013 nuk janë zbatuar, rezultojnë ajo e Kurbinit, Matit, Gjykata e Tiranës, Apeli në Durrës, Apeli në Shkodër, Gjykata e Kukësit, Tropojës, Beratit, Durrësit,  Gjirokastrës e Korçës.


Një tjetër rast ku kreu i gjykatës nuk ka respektuar fare procedurën ligjore për nxjerrjen e urdhrit për hedhjen e shortit sipas raportit të inspektimit, një kopje të së cilit A1Report, disponon është dhe Gjykata e Apelit në Gjirokastër.

Një tjetër problematik sipas raportit është dhe lista e gjyqtarëve të gatshëm të cilët kryesisht shqyrtojnë masat e sigurisë, por dhe në këtë rast krerët e gjykatave në rrethe nuk zbatojnë procedurën për nxjerrjen e listët sipas një kalendari të parapërcaktuar.

Në total janë 171 shkelje të konstatuara ku rezulton se gjyqtarët e përcaktuar si të gatshëm në gjykatën e Durrësit, Sarandës, Përmetit e Krujës nuk kanë gjykuar masat por janë zëvendësuar nga kreu i gjykatës me tjetër gjyqtar.
 
Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Elbasan/ Dy të rinjtë u larguan nga Komisariati më 31 dhjetor, AMP pezullon nga puna 3 efektivët! Nuk parandaluan arratisjen e tyre

Elbasan/ Dy të rinjtë u larguan nga Komisariati më 31 dhjetor, AMP pezullon nga puna 3 efektivët! Nuk parandaluan arratisjen e tyre

15 Janar, 16:41