Kryemadhi takim me Metën: Zgjedhjet duhet të ishin mbajtur dy vite më parë! Tani të zhvillohen sa më shpejtë

Pas përfundimit të takimit me kreun e shtetit Ilir Meta, kryetarja e LSI-së, Monika Kryemadhi tha se për partinë e saj zgjedhjet duhet të ishin mbajtur që para dy vitesh. Kryemadhi theksoi se nuk është çështje datësh, por krijimi i mundësisë së zgjedhjeve për qytetarët sa më shpjet të jetë e mundur.

"Dua të theksoj se për LSI zgjedhjet duhet të ishin bërë që para dy vitesh. Nuk mendoj se është çështje date, por është çështje e dhënies së drejtës të qytetarëve të zgjedhin të lirë e të kenë zgjedhje të lira dhe të bëhen sa më shpejt pjesë e BE. LSI do të zbatojë çdo vendim dhe dekret të Presidentit dhe do të marrë pjesë në çdo proces zgjedhor që do i garantoj shqiptarëve atë qeveri që kanë aspiruar prej shumë kohës.  Sot takimi ishte vetëm për datën e zgjedhje, një datë e zgjedhjeve do të krijonte mundësinë e  lëvizjes së gjërave. Sa më shpejt zgjedhjet aq më mirë për qytetarët dhe për këdo", tha Kryemadhi

Lajmi kryesor:

Meta mbyll konsultimet me partitë për datën e zgjedhjeve! Rama: Dakord për çdo datë, përveç 2 majit! Basha: Shqiptarët duan zgjedhje sot! Hajdari: Propozova ditën e Pashkëve

/r.k./Shqiptarja.com

TAG:
• edi rama
• Ilir Meta
• lulzim basha
• Rudina Hajdari
• vangjel dule
• zgjedhjet e 2021