Kryetarja e LSI, Monika Kryemadhi ka zhvilluar ditën e sotme një takim me këshilltarin e kryeministrit të Greqisë Mitsotakis, njëherësh Sekretar i Marrëdhënieve Ndërkombëtare, Anastasios Chatzivasileiou.
Gjatë takimit Kryemadhi tha se Marrëveshja e Detit me Greqinë duhet të bëhet transparente, ndërsa tha e njohja e pavarësisë së Kosovës nga Greqia kontribuon për forcimin e paqes dhe proceseve integruese në BE të të gjithë rajonit.
Njoftimi i plotë i LSI
Kryetarja e LSI-së priti në takim Sekretarin e Marrëdhënieve Ndërkombërtare dhe BE të partisë Demokracia e Re, njëkohësisht Deputet i Parlamentit Grek dhe Këshilltar i Kryeministrit Mitsotakis, z.Anastasios (Tasos) Chatzivasileiou.
Gjatë takimit, Kryetarja e LSI vlerësoi marrëdhënien e fqinjësisë së mirë mes Shqipërisë dhe Greqisë.
Duke vlerësuar mbështetjen e Greqisë për rrugën euro-atlantike të Shqipërisë, Kryetarja e LSI-së shprehu qëndrimin e LSI-së se marrëdhëniet tona duhet të intensifikohen duke u bazuar te transparenca dhe mirëbesimi, si themel për një marrëdhënie partneriteti që kontributon për paqe, siguri dhe prosperitet në rajon.
Kryetarja e LSI-së vlerësoi respektimin e minoritetit grek në Shqipëri, si një urë bashkëpunimi midis vendeve. Gjatë takimit Kryemadhi nënvizoi se njohja e pavarësisë së Kosovës nga Greqia kontribuon për forcimin e paqes dhe proceseve integruese në BE të të gjithë rajonit.
Ajo gjithashtu theksoi se marrëveshja e detit me Greqinë duhet të realizuar me transparencë, në përputhje me ligjin ndërkombëtar për detin dhe legjislacionin kombëtar, si dhe me vendimet e Gjykatës Kushtetuese.
Kjo Monika ishte na takom me brek apo pa brek?
Përgjigju