POP 5

Lajmet më të lexuara të 5 minutave të fundit

Bota

Kryeministri armen shpreson për marrëveshje paqësore me Azerbajxhanin

Armenia shpreson se do ta arrijë një marrëveshje paqeje me Azerbajxhanin në muajt në vijim dhe të themelojë marrëdhënie diplomatike me Bakun, tha kryeministri armen Nikol Pashinian të enjten

Kryeministri armen shpreson për marrëveshje paqësore me Azerbajxhanin

Armenia shpreson se do ta arrijë një marrëveshje paqeje me Azerbajxhanin në muajt në vijim dhe të themelojë marrëdhënie diplomatike me Bakun, tha kryeministri armen Nikol Pashinian të enjten.

Duke folur në një forum në kryeqytetin e Gjeorgjisë, Tbilisi, Pashinian tha se Armenia, po ashtu, shpreson ta hapë kufirin me Turqinë, aleatin e ngushtë të Azerbajxhanit, për qytetarët e vendeve të treta.

Ai i bëri këto komente në një kohë përpjekjesh për ta arritur paqen në Kaukazin e dhunshëm Jugor, pasi Azerbajxhani e mori nën kontroll rajonin e kontestuar Nagorno-Karabak, i cili ndërkombëtarisht njihet si territor i Azerbajxhanit, por ishte udhëhequr prej viteve ’90 nga armenët etnikë.

Pashinian tha për The Ëall Street Journal se Jerevani nuk sheh ndonjë përparësi për të vazhduar të jetë nikoqir i bazave ushtarake të Rusisë në territorin e vet më.

“Këto ngjarje kanë bërë që ne të vijmë deri te një vendim se kemi nevojë t’i zgjerojmë marrëdhëniet në sferën e sigurisë, dhe tani po mundohemi ta bëjmë këtë”, tha Pashinian.

Në shtator, Nagorno-Karabaku ra në kontrollin e Azerbajxhanit, pasi forcat e sigurisë së këtij shteti i mposhtën luftëtarët etnikë armenë, duke rezultuar me ikjen e 120.000 armenëve etnikë në Armeni./REL

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Radhë të gjata mjetesh në Portin e Vlorës për t’u imbarkuar në tragetin drejt Brindisit, shkak kontrollet e imtësishme nga Policia Kufitare

Radhë të gjata mjetesh në Portin e Vlorës për t’u imbarkuar në tragetin drejt Brindisit, shkak kontrollet e imtësishme nga Policia Kufitare

7 Janar, 22:02