Kryeministri i Kosovës Haradinaj
merr pasaportën shqiptare
Pasaportë shqiptare dhe për bashkëshorten

Kryeministri i Kosovës Ramush Haradinaj ka marrë pasaportën shqiptare. Dekreti nga Presidenti për t'i dhënë shtetësi kreut të qeverisë është marrë në prill 2017, ndërsa lëshimi i pasaportës mban datën 24 korrik 2017.  

Të dhënat për pasaportën shqiptare të Haradinaj janë hedhur në sistem dhe mësohet se dokumenti është gati. Pritet në ditët në vijim që kryeministri Haradinaj të bëjë tërheqjen e pasaportës. Lajmi për pajisjen e Haradinajt me pasaportë shqiptare vjen pak ditë pasi ambasada e SHBA i refuzoi kryeministrit të Kosovës vizën për në SHBA ku do të merrte pjesë në mëngjesin e lutjeve.

Nuk dihet nëse Haradinaj do aplikojë sërish për vizë amerikane, por këtë herë me pasaportë shqiptare, megjithëse këshilltari i tij, Jahja Lluka e përjashton një mundësi të tillë. 

Ndonëse i pari i qeverisë ka tashmë pasaportën shqiptare, mjaft shqiptarë të Kosovës janë në kërkim të dokumentit. Presidentët Meta dhe Thaçi u përfshin në polemika dy muaj më parë sa i takon pajisjes së qytetarëve të Kosovës me dokumente identifikimi shqiptare për të mundësuar lëvizjen e lirë në hapësirën "Schengen". 

Kjo kërkesë u hodh poshtë nga Presidenti Meta me argumentin se do dëmtonte udhëtimin pa viza të qytetarëve shqiptarë në BE, ndërsa nga ana tjeteër Kosova vijon të jetë e penalizuar padrejtësisht nga Brukseli. 


(Pasaporta e Anita Haradinajt, bashkëshortja e Ramush Haradinajt)


(Dekreti i Presidentit për dhënien e shtetësisë Ramush dhe Anita Haradinajt) 

Redaksia Online
l.q/Shqiptarja.com