POP 5

Lajmet më të lexuara të 5 minutave të fundit

Arkiva

Kryeministri Rama mbërrin në Pekin

TIRANË, 9 Shtator/ATSH/-Kryeministri shqiptar Edi Rama mbërriti sot në mëngjes në Pekin, duke filluar vizitën e tij në Kinë. Sipas Radio së Jashtme të Kinës, Rama dhe delegacioni që e shoqëron u pritën në Aeroportin Ndërkombëtar të Pekinit nga Chen Guo You, zv-drejtor i Europës në Ministrisë e Jashtme. Shefi i qeverisë shqiptare pritet të […]
Kryeministri shqiptar Edi Rama mbërriti sot në mëngjes në Pekin, duke filluar vizitën e tij në Kinë.

Sipas Radio së Jashtme të Kinës, Rama dhe delegacioni që e shoqëron u pritën në Aeroportin Ndërkombëtar të Pekinit nga Chen Guo You, zv-drejtor i Europës në Ministrisë e Jashtme.
Shefi i qeverisë shqiptare pritet të drejtojë të mërkurën, sesionin interaktiv "Suksesi i një Ekonomie të Re Krijuese" në Forumin Ekonomik Botëror që mbahet në Tianjin të Kinës Lindore.
Në një komunikim me gazetarët një ditë më parë,  Rama tha se janë hapur kanalet e komunikimit me qeverinë kineze për disa projekte.

"Do të vazhdojë axhendën e parashikuar për të zhvilluar një vizitë në Kinë, ku bashkë me kryeministrin kinez do të diskutojmë mbi disa projekte për Shqipërinë", theksoi Rama.
Kryeministri Rama po ashtu ditën e enjte do të mbajë një leksion për studentët dhe akademikët e Universitetit të Financës dhe Ekonomisë të Tianjin-it.

Më parë, Kryeministri Rama është takuar me Kryeministrin e Republikës Popullore të Kinës, zotin Li Keqiang, në kuadër të takimit me krerët e qeverive të Evropës Qendrore dhe Juglindore dhe Kryeministrit të Republikës Popullore të Kinës më 26 nëntor të 2013-ës, në Bukuresht.

Gjatë këtij takimi, Kryeministri Rama theksoi rëndësinë e marrëdhënieve dypalëshe mes Shqipërisë dhe Kinës, si edhe prioritetin që Qeveria shqiptare i ka dhënë projekteve rajonale në fushën e transportit, infrastrukturës dhe energjisë. Kryeministri Rama e njohu homologun kinez me reformat e ndërmarra nga Qeveria shqiptare, si edhe me disa nga projektet kryesore në fushat e lartpërmendura./ATSH/

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

'Bota është në heshtje'/ Dëshmia prekëse në OKB e Tanya Haj-Hassan, mjekes vullnetare në Gaza

30 Nëntor, 22:32