Kryeministrja serbe: Ka nisur
debati për çështjen e Kosovës

Pas deklaratave të Presidentit Vucic edhe kryeministrja Anra Brnabiç e ka konsideruar si vendim të rëndësishëm nisjen e një dialogu të brendshëm në Serbi në lidhje me çështjen e Kosovës.
 
“Unë mendoj se dialogu vetëm ka filluar, edhe pse ka shumë njerëz që thonë se nuk duan të marrin pjesë. Mendoj se rëndësi ka qëndrimi pro dialogut.
 
Është guxim dhe përgjegjësi e presidentit serb për një debat të brendshëm. Është mirë që debati ka filluar, dhe ne si Serbi duhet të dimë se cilat janë interesat tona kombëtare” tha ajo.
 
Presidenti Vucic bëri thirrje pak javë më parë për një dialog të brendshëm për Kosovën, ndërsa është pikërisht njohja e pavarësisë një kusht themelor i BE për ta pranuar në Union. 


dy.b/shqiptarja.com