Kryetari i Kuvendit, Gramoz Ruçi, mori pjesë në prezantimin e Strategjisë për zhvillimin e KLSH-së, 2018-2022, Tema e diskutimit ishte “Zhvillimi i marrëdhënieve efikase të punës mes institucioneve të larta të auditit dhe parlamenteve”.
Në fjalën e tij, Kryetari i Kuvendit e cilësoi produktiv partneritetin mes Kuvendit dhe Kontrollit të Lartë të Shtetit. Ndër të tjera Ruçi u ndal:
Komisionet parlamentare dhe deputetët i kanë shfrytëzuar dhe janë mbështetur në indiciet nga auditimet e Kontrollit në ushtrimin e detyrave të tyre funksionale për kontrollin parlamentar, si edhe në angazhimin për të qenë konkret e aktiv në luftën kundër korrupsionit, abuzimeve dhe defekteve të tjera të qeverisjes. Askush nuk është i përsosur, por ne edhe ju duhet të bëhemi gardianë më të vëmendshëm të ligjshmërisë, ndershmërisë dhe eficiencës së qeverisjes. Qeverisja nga populli, me popullin dhe për popullin garantohet në radhë të parë nëpërmjet kontrollit parlamentar dhe auditimit të veprimtarisë së saj.
Kryetari i Kuvendit, Gramoz Ruçi
Gjithashtu, Ruçi parashtroi rekomandimet e tij mbi fuqizimin e bashkëpunimit midis Kuvendit dhe KLSH-së. Ruçi i kërkoi KLSH-së të jetë më aktive, më cilësor dhe më vizionar në dhënien e rekomandimeve për përmirësimin e legjislacionit në përgjithësi dhe për atë të investimeve e prokurimeve publike në veçanti.
Para dy vitesh Kuvendi ka rekomanduar ngritjen e nënkomisionit parlamentar për çështjet e Kontrollit të Lartë të Shtetit, si një praktikë që funksionon në shumë vende evropiane. Personalisht do të marr të gjitha masat për ngritjen sa më të shpejtë, brenda këtij sesioni, të nënkomisionit.
Kryetari i Kuvendit, Gramoz Ruçi
Kryetari i Kontrollit të Lartë të Shtetit, Bujar Leskaj, në fjalën e tij e cilësoi mjaft të rëndësishëm bashkëpunimin mes KLSH-së dhe Kuvendit. Ai shprehu bindjen që kjo marrëdhënie jetike mes parlamentit dhe institucionit të lartë auditues duhej thelluar. Leskaj rikonfirmoi zotimin e strategjive të mëparshme të zhvillimit, që marrëdhënia KLSH-Kuvend të jetë optimal, ku, sipas Leskajt:
KLSH do të shërbejë tërësisht si struktura numër një e informimit të Kuvendit për mirëadministrimin e pronës shtetërore, si për shumicën dhe për pakicën parlamentare, nëpërmjet raporteve periodike të saj si edhe takimeve të njëpasnjëshme me anëtarët e Kuvendit dhe posaçërisht të komisionit parlamentar të Ekonomisë dhe Financave.
Kryetari i Kontrollit të Lartë të Shtetit, Bujar Leskaj
Pas diskutimeve, që në themel kishin marrëdhëniet KLSH-parlament, tryeza vijoi me një format diskutimesh akademike në kuadër të strategjisë së zhvillimit të KLSH-së për periudhën 2018-2022.
Lajme të tjera
-
FOTOT/ Nga politikanët, diplomatët, artistët te mjekët e policët, kush mori pjesë në darkën e iftarit të shtruar nga Rama! Nuk mungon Gramoz Ruçi
9 Prill, 08:42 -
Masakra e 2 prillit/ ‘Repolitix’ sjell dokumente ekskluzive: Gramoz Ruçi i raportonte Ramiz Alisë për 4 protestuesit e vrarë në 1991
2 Prill, 21:20 -
Rikthimi i gardës të vjetër në PS sinjal për përballje titanike në zgjedhjet e 2025!
11 Shkurt, 12:21
-
SHIKONI FOTOT/ Asambleja e PS-së, bën bashkë të vjetër e të rinj Rama me atlete! Nuk mungojnë Ruçi, Dokle as Bushati e Lame
11 Shkurt, 11:24 -
“Një ditë terror, një vit qetësi” postulati nazist që komunistët përdorën për të shuar kryengritjen e Postribës! Ende s’ka drejtësi
1 Tetor 2023, 15:27 -
‘Edhe pse ishim ‘sterrë’ nga biografia prej vëllait tim, që ishte pushkatuar si ‘armik’, Gramoz Ruçi, na erdhi në shtëpi dhe…’ Dëshmia e fshatarit nga Tepelena
16 Korrik 2023, 18:39 -
32 vjet Parti Socialiste/ Rama: Karikojmë bateritë për 2025! Mbyllni shtigjet e vjetra ku hyjnë dorëgjatët
12 Qershor 2023, 08:13 -
Del Procesverbali/ Nazif Bezhani: Dosja e Rustem Gjatës si spiun i UDB është shumë e madhe! Gramoz Ruçi: Pse Berisha e zgjodhi në Kushtetuese?
2 Maj 2023, 16:32
-
Sot një vit Gjykata Kushtetuese rrëzoi kërkesën e mazhorancës për ta shkarkuar si President, Meta: Kuvendi falsifikoi dokumentet, SPAK ende asnjë hetim
16 Shkurt 2023, 18:53 -
Ku je Gramoz Ruçi? Kur bilbilat këndonin jashtë Parlamentit!
16 Shkurt 2023, 17:53
-
Ylli Pata: ‘Plumb ballit’, efektet 30 vjeçare të dhunës si mjet politik në Shqipëri
20 Shtator 2022, 18:32
-
Veliaj takon Ruçin: Nuk ka si të dielat me shokun Gramoz
11 Shtator 2022, 14:52
