Kryetari i Kuvendit, z. Gramoz Ruçi, priti sot Presidentin e Republikës së Sllovenisë, z. Borut Pahor, i cili ndodhet për një vizitë zyrtare në Shqipëri.
Kryesia e Kuvendit njofton se Gramoz Ruçi i shprehu Presidentit Pahor mirënjohjen për mbështetjen e Sllovenisë për procesin e intregrimit europian të Shqipërisë si edhe për bashkëpunimin e shkëlqyer politik midis të dy vendeve. Ky nivel duhet të ndiqet edhe nga bashkëpunimi në fushën ekonomike e tregëtare. Z. Ruçi e informoi Presidentin Pahor edhe mbi arritjet në realizimin e reformave në pesë prioritetet kyçe të procesit të integrimit, duke u ndalur në mënyrë të veçantë në arritjet e reformës në drejtësi. “Megjithë vështirësitë, reforma në drejtësi ecën në drejtimin e duhur dhe organet e reja të qeverisjes së sistemit të drejtësisë do të jenë tërësisht funksionale në gjysmën e dytë të vitit 2019.”, vuri në dukje Kryetari Ruçi.
Presidenti Borut Pahor falenderoi Kryetarin e Kuvendit Gramoz Ruçi për mirënjohjen dhe vlerësimin e lartë për bashkëpunimim dypalësh me Slloveninë. “Gjatë ushtrimit të funksioneve të larta shtetërore si Kryeministër, Kryetar i Parlamentit dhe tani si President i Republikës së Sllovenisë, kam mbështetur fuqimisht zgjerimin e bashkëpunimit me Shqipërinë, një vend mik dhe partner i yni. Ne jemi gati tju mbështesim akoma më shumë me përvojat tona të integrimit në BE, sidomos në fushën e përafrimit të legjislacionit. Për këtë duhet një bashkëpunim i fortë midis Qeverisë dhe opozitës.”, vuri në dukje Presidenti Pahor.
Kryetari i Kuvendit Ruçi dhe Presidenti Pahor biseduan edhe mbi situatën aktuale në Shqipëri, pas largimit të opozitës nga Kuvendi. Kryetari i Kuvendit vuri në dukje se pretendimet e opozitës për ilegjitimitetin e Kuvendit dhe mungesën e hapësirave demokratike për të ushtruar përgjegjësitë e saj parlamentare nuk qëndrojnë. “Zgjedhjet në Shqipëri gjithmonë kanë pasur probleme, por zgjedhjet e vitit 2017 kanë qenë të parat zgjedhje të kontrolluara nga opozita, e cila ishte në bashkëqeverisje; të parat zgjedhje të çertifikuara nga 40 mijë komisionerë, gjysma e të cilëve të opozitës; të parat zgjedhje për të cilat nuk ka pasur asnjë ankesë në Kolegjin Zgjedhor; zgjedhje që u paraprinë nga një fushatë e qetë, më e qeta në historinë e zgjedhjeve shqiptare. Ndërkohë, opozita, pas ndryshimet të Rregullores së Kuvendit me vullnetin e qartë të shumicës parlamentare, ka gëzuar të gjithë aksesin dhe të gjitha hapësirat për të ushtruar përgjegjësitë e saj parlamentare.”, nënvizoi Kryetari i Kuvendit.
Kryetari Ruçi dhe Presidenti Pahor diskutuan edhe mbi nevojën e përshpejtimit të reformave, sidomos reformës në drejtësi dhe ngritjen sa më të shpejtë të organeve të reja të qeverisjes së sistemit, mbi rolin e Shqipërisë dhe të Sllovenisë në zhvillimet rajonale, mbështetjen e dialogut Kosovë-Serbi për të forcuar bashkëpunimin midis të dy vendeve dhe ndihmuar stabilitetin në rajon, duke pasur mbështetjen dhe çertifikimin e partnerëve tanë strategjikë, Shteteve të Bashkuara të Amerikës dhe Bashkimit Europian.
Lajme të tjera
-
FOTOT/ Nga politikanët, diplomatët, artistët te mjekët e policët, kush mori pjesë në darkën e iftarit të shtruar nga Rama! Nuk mungon Gramoz Ruçi
9 Prill, 08:42 -
Masakra e 2 prillit/ ‘Repolitix’ sjell dokumente ekskluzive: Gramoz Ruçi i raportonte Ramiz Alisë për 4 protestuesit e vrarë në 1991
2 Prill, 21:20 -
Rikthimi i gardës të vjetër në PS sinjal për përballje titanike në zgjedhjet e 2025!
11 Shkurt, 12:21
-
SHIKONI FOTOT/ Asambleja e PS-së, bën bashkë të vjetër e të rinj Rama me atlete! Nuk mungojnë Ruçi, Dokle as Bushati e Lame
11 Shkurt, 11:24 -
“Një ditë terror, një vit qetësi” postulati nazist që komunistët përdorën për të shuar kryengritjen e Postribës! Ende s’ka drejtësi
1 Tetor 2023, 15:27 -
‘Edhe pse ishim ‘sterrë’ nga biografia prej vëllait tim, që ishte pushkatuar si ‘armik’, Gramoz Ruçi, na erdhi në shtëpi dhe…’ Dëshmia e fshatarit nga Tepelena
16 Korrik 2023, 18:39 -
32 vjet Parti Socialiste/ Rama: Karikojmë bateritë për 2025! Mbyllni shtigjet e vjetra ku hyjnë dorëgjatët
12 Qershor 2023, 08:13 -
Del Procesverbali/ Nazif Bezhani: Dosja e Rustem Gjatës si spiun i UDB është shumë e madhe! Gramoz Ruçi: Pse Berisha e zgjodhi në Kushtetuese?
2 Maj 2023, 16:32
-
Sot një vit Gjykata Kushtetuese rrëzoi kërkesën e mazhorancës për ta shkarkuar si President, Meta: Kuvendi falsifikoi dokumentet, SPAK ende asnjë hetim
16 Shkurt 2023, 18:53 -
Ku je Gramoz Ruçi? Kur bilbilat këndonin jashtë Parlamentit!
16 Shkurt 2023, 17:53
-
Ylli Pata: ‘Plumb ballit’, efektet 30 vjeçare të dhunës si mjet politik në Shqipëri
20 Shtator 2022, 18:32
-
Veliaj takon Ruçin: Nuk ka si të dielat me shokun Gramoz
11 Shtator 2022, 14:52
