POP 5

Lajmet më të lexuara të 5 minutave të fundit

Kultura

Kryetarja e Komisionit të Medies-Gjinushit: Tërhiquni nga zgjedhjet në Akademinë e Shkencave

Kryetarja e Komisionit për Edukim edhe Mjete të Informimit Publik, Fatjona Dhimitri, në një dalje publike sot për mediet u bën thirrje akademikëve, që të mos përfshihen në zgjedhjet e datës 24 maj që mbahen në këtë institucion. Ajo i kërkon Gjinushit, i cili është i vetmi kandidat për kryetar akademie, që të tërhiqet nga këto zgjedhje.

Nuk na ndajnë as dy ditë nga zgjedhjet që ishin parashikuar që të zhvillohen në Akademinë e Shkencave, për katër vende vakante, kur nga Kuvendi i Shqipërisë, kryetarja e komisionit për Edukim dhe Mjete të Informimit publik, Fatjona Dhimitri u bën thirrje akademikëve, që të mos hynë në këto zgjedhje, sepse do të ishte paradoksale, që ato të bëhen me ligjin e vjetër të Akademisë së Shkencave, kur në komision është duke u shqyrtuar këto ditë projektligji “Për reformën në Akademi”.

“Në datën 24 maj, pranë këtij institucioni të mendimit shkencor pretendohet që të mbahen zgjedhjet për konstituimin e kryesisë së saj, përsa më sipër deklaroj, se zgjedhjet e pretenduara janë të pagjetura, me boshllëqe edhe të nxituara. Vënë komisionin edhe kuvendin para faktit të kryer, të padobishme për reformimin e ASH, paradoksale, sepse zgjedhin drejtues me ligjin që vet akademia do të ndryshohet, jo serioze edhe të paprecedente, që nga themelimi të saj. Ju bëj thirrje të gjithë akademikëve, që mos të hyjnë në aventurën e zgjedhjeve të 24 majit, sa kohë që të presin përpilimin edhe hyrjen në fuqi të kuadrit të ri ligjor, mos të përfshihen në procese të parregullta ligjore, që komprometojnë të ardhmen e akademisë, edhe pengojnë marrëdhënien me kuvendin”, shprehet kryetarja e komisionit të Medies, Fatjona Dhimitri.

Dhimitri e quan të pakuptimtë, që nga akademikët të ketë nxitim, pikërisht tani që ligji për akademinë e shkencave ka hyrë në proces. Sipas saj, kokëfortësia e një grupi, apo një individi e dëmton akademinë edhe shkencën shqiptare për më tepër, për të cilën është shprehur edhe komuniteti i shkencor i vendit.

“Ju bëj thirrje të gjithë akademikëve, që të mos përfshihen në procese, që janë në mospërputhje me ligjin. Mendimi shkencor nuk mund të jetë pjesë e skemës politike, kandidati për kryetar në ASH, është një ish kryetar partie, që ka dhënë dorëheqjen vetëm katër vite më parë. Është një ish- kryetar i kuvendit, edhe më parë akoma ish- ministër në kohën e diktaturës. Edhe shkencën, ne politikanët e partive politike do ta drejtojmë, zoti Gjinushi, tërhiquni nga zgjedhjet, mos censuroni kornizën e mendimit shkencor në Shqipëri”, vijon Dhimitri.

Ndërsa, deri më tani nuk ka ende një përgjigje zyrtare për pezullim të këtyre zgjedhjeve, që do të mbahen në datë 24 maj, ora 10.00, ku për kryetar e vetmja kandidaturë është ajo e akademikut Skënder Gjinushi, për nënkryetar kandidon akademiku Vasil Tole. Për pozicionet e Sekretarit Shkencor kandidon Salvator Bushati dhe për pozicionin e Kryetarit të Seksionit të SHNT-së akademik Neki Frashëri.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

25 Dhjetor, 18:05