Pronari i një mjeti lundrues, gomone është ndëshkuar me 2 gjoba, me vlerë totale 110 mijë lekë të rinj, për lundrim në zonë të ndaluar dhe mungesë dokumentacioni.

Pas marrjes së njoftimit për një mjet lundrues gomone që po lundronte në zonë të ndaluar, në Ksamil, Policia Kufitare e Sarandës ka ushtruar menjëherë kontroll në zonë.

Mjeti lundrues është shfaqur edhe në portalin JOQ, por në momentin e publikimit, mjeti lundrues ishte  shoqëruar dhe bllokuar nga Policia Kufitare, menjëherë pas njoftimit  të marrë  nga patrullat e Policisë që vëzhgojnë nga toka vijën bregdetare për shkeljen e zonës së sigurisë.

Për pasojë pronari i mjetit lundrues me iniciale A. P., është ndëshkuar me 2 masa administrative, me vlerë totale 110 mijë lekë të rinj, pasi ka lundruar në zonë të ndaluar dhe pa dokumentacionin e nevojshëm, në bord.

Masat shtrënguese në këtë sezon turistik janë marrë në kuadër të rritjes së sigurisë së pushuesve, pasi vjet një fëmijë rreth 7-vjeç humbi jetën pasi u godit nga një gomone në plazhin e Potamit në Himarë. E mitura Jonada Avdia ishte duke u larë në det kur u përplas fillimisht nga pjesa ballore e gomones dhe më pas trupi i saj është prerë nga helikat duke ndërruar jetë në vend.

Policia Kufitare do të vijojë kontrollet në të gjitha zonat bregdetare, ndaj apelon për të gjithë përdoruesit e mjeteve lundruese që të lundrojnë vetëm në zonat e përcaktuara për mjetet lundruese, që të mos cenojnë sigurinë e pushuesve.

Policia e Shtetit fton qytetarët që për çdo rast të shkeljes së zonës së sigurisë, nga përdoruesit e mjeteve lundruese, të denoncojnë në numrin pa pagesë 112, duke iu garantuar reagim të shpejtë, në zbatim të ligjit.

 

M.T/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • alfred: 08/07/2023 23:21

    Ore akoma me këto gjoba qesharake ,pa dokument dhe shkelje e zonës së sigurisë , atij duhet shkërdhyer para e mbrapa ,këta fytyrë pa larë nuk nxorrn mësim që vjet u vra një fëmije, a ka sekuestrim apo edhe konfiskim për këto qënie që nuk marrin vesh,apo edhe burg në rast të fundit .Pyetni prinderit e asaj vajzës të mjerë për këta banditë që kanë lënë rrugët e qyteteve me plot probleme dhe i janë drejtuar plazheve dhe ujrave për të treguar trimëritë .

    Përgjigju
    • Or tej: 09/07/2023 06:58

      Prinderit e goces e dine tashme qe banditet bredhin sa lart e poshte. Gabimi i tyre ishte atehere kur nuk e dinin dhe erdhen ne albanistan per pushime or teeeejjjjj

  • Bim: 08/07/2023 18:03

    Sekuestrim per 5 muaj zgjatja e gjithe sezonit dhe gjobe, kjo duhet te jet ndeshkimi

    Përgjigju
  • Sondazhi i ditës: 14 Mars, 23:51

    18 vite nga Gërdeci, a besoni se do ndëshkohen përgjegjësit e vërtetë?

Lajme të tjera