Autori i një vjedhjeje të një dyqani celularësh të ndodhur një ditë para mbylljes së vitit 2015 në Kuçovë, është vënë në pranga.

Burime zyrtare nga policia bëjnë me dije se i arrestuari është 28-vjeçari Endrion Dajko, banues në Kuçovë.

Më 30 dhjetor, dyshohet se ai ka vjedhur me thyerje një dyqanin celularësh në lagjen “Lukan Prifti”.

Dajko dyshohet se ka vjedhur 11 aparate celularë të markave të ndryshme me vlerë 337.400 lekë, 150.360 lekë që janë marrë nga kasaforta dhe 5 llojë të ndryshme kartash rimbushëse.

Redaksia Online
(m.b/shqiptarja.com)