Ku u gjurmua për herë të fundit avioni në të cilën ndodhej Prigozhin para përplasjes

Avioni i Prigozhin, i tipit Embraer-135 (EBM-135BJ), po fluturonte nga Moska për në Shën Petersburg të mërkurën me shtatë pasagjerë dhe tre anëtarë të ekuipazhit, tha autoriteti rus i aviacionit Rosaviatsia.

Flightradar24 regjistroi avionin e paidentifikuar duke fluturuar në veri-perëndim të vendit, dhe më pas zhduket nga ekrani i faqes që gjurmon fluturimet e avionëve.

Agjencia shtetërore e lajmeve RIA Novosti raportoi gjithashtu se mbetjet e rrëzimit të aeroplanit janë shpërndarë në rrugën hyrëse në fshatin Kuzhenkino, i cili është afërsisht 2 kilometra (1.2 milje) nga vendi i rrëzimit. 

Fshati Kuzhenkino ndodhet midis Moskës dhe Shën Petersburgut, raporton CNN.

Agjencia e lajmeve Tass tha se avioni kishte marrë flakë duke u përplasur në tokë dhe se avioni kishte qenë duke fluturuar për më pak se gjysmë ore.

Kremlini ende nuk ka komentuar mbi rrëzimin. Komiteti Hetimor Rus tha më herët se kishte nisur "një çështje penale" pas rrëzimit, ndërsa autoriteti shtetëror i aviacionit Rosaviation tha se një komision i krijuar posaçërisht për këtë ngjarje "ka filluar të hetojë rrethanat dhe shkaqet e aksidentit".

Lajmi kryesor:

Putin thyen heshtjen për avionin e rrëzuar në Moskë ku besohet se vdiq Prigozhin: 'Ngushëllime!' Zelensky: E dimë kush fshihet pas! SHBA: Raketa u lëshua nga Rusia

S.S/Shqiptarja.com

TAG:
• Rusi