POP 5

Lajmet më të lexuara të 5 minutave të fundit

Sport

Kualifikueset e Botërorit/ Franca ngec me Ukrainën, Turqia mund Holandën, fitojnë Portugalia e Belgjika

Me surpriza ka nisur fushata kualifikuese e Botërorit të Katarit. Franca nuk shkoi më shumë se barazimi me Ukrainën. Turqia mundi Holandën ndërsa nuk gabuan Portugalia e Belgjika. 

Surprizë në Paris. Franca kampione e botës në fuqi e nis me vetëm një barazim mbrojtjen e titullit kampion. “Gjelat” nuk shkuan dot më shumë se një barazim 1-1 me Ukrainën në ndeshjen e parë të grupit D kualifikues për Kupën e Botës. Griezmann shënoi një supergol por ukrainasit barazuan në pjesën e dytë falë një autogoli të Kimpembe.

 Në grupin A Portugalisë i ka mjaftuar një autogol për të mundur Azerbajxhanin e De Biasit. Në ndeshjen e zhvilluar në Torino luzitanët morën pikët maksimale me shumë pak sforco pasi fituan 1-0. Në ndeshjen tjetër të grupit Serbia mundi Irlandën.

Belgjika përmbysi Uellsin duke e fituar ndeshjen e parë kualifikuese të Botërorit në grupin E. Uellsi kaloi i pari në avantazh por belgët më pas “shpërthyen” duke shënuar tre gola me autorë De Bruyne, Thorgan Hazard e Lukaku me penallti. Çekia luajti tenis me Estoninë në ndeshjen tjetër të grupit duke fituar 6-2.

Surprizën e madhe në ditën e parë të fushatës kualifikuese e bëri Turqia që mundi 4-2 në Stamboll Holandën. Njeriu i ndeshjes ishte sulmuesi veteran Burak Yilmaz që shënoi tre gola ndërsa një tjetër e shtoi Calhanoglu. Për tulipanët golat e Klaaseen dhe de Jong nuk mjaftuan. Holanda i nis me humbje kualifikueset./ Përgatiti Andi Kapxhiu

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Sot Amerika vendos/ Nisin votimet! Garë e ngushtë presidenciale, por Harris është 4 pikë në avantazh! Qendrat e votimit me xhama antiplumb e dyer çeliku

Sot Amerika vendos/ Nisin votimet! Garë e ngushtë presidenciale, por Harris është 4 pikë në avantazh! Qendrat e votimit me xhama antiplumb e dyer çeliku

5 Nëntor, 07:21