POP 5

Lajmet më të lexuara të 5 minutave të fundit

Sport

Kualifikueset e botërorit, ngec Italia dhe humbet Spanja! Nuk gabojnë Gjermania, Anglia dhe Belgjika

Italia kampione e Europës “ngeci” në barazim në ndeshjen e parë pas triumfit në Europian. Të kaltërit barazuan 1-1 me Bullgarinë në ndeshjen kualifikuese të Botërorit. Fituan Gjermania, Anglia e Belgjika ndërsa Suedia bëri surprizën duke mposhtur Spanjën.

Italia kampione e Europës “ngec” në ndeshjen e parë pas triumfit. Të kaltërit nuk shkuan dot më shumë se një barazim 1-1 ndaj Bullgarisë në ndeshjen kualifikuese të Botërorit 2022. Federico Chiesa shënoi një gol të bukur në minutën e 16-të por bullgarët barazuan në fundin e pjesës së parë me Iliev. Italia arrin rekordin e pathyeshmërisë me 35 ndeshje pa humbje dhe kryeson grupin C me 10 pikë.

Në grupin B atë të Kosovës spikat humbja e Spanjës ndaj Suedisë në shifrat 2-1. Iberikët marrin avantazhin me Carlos Soler por Suedia fillimisht barzoi me Isaak dhe golin e fitores e shënoi Claeson. Skandinavët marrin edhe kreun e grupit B me 9 pikë e Spanja zbret e dyta me 7 pikë.

Në grupin I atë të Shqipërisë Anglia nuk gabon asnjë ndeshje. “Tre luanët” vuajtën disi por më pas fituan thellë në Budapest ndaj Hungarisë me rezultatin 4-0.Sterling , Kane ,Maguire dhe Rice ishin autorët e golave. Anglia kryeson me 12 pikë të plota pas katër ndeshjesh.

Belgjika fiton me goleadë në transfertë ndaj Estonisë 5-2. Dy gola i shënoi Lukaku ndërsa belgët e kryesojnë grupin E të kualifikueseve të Botërorit me 10 pikë.

Ndërsa Gjermania e Hansi Flick e nisi pa shumë bujë. Gjermanët e mposhtën vetëm 2-0 në transfertë Lihtenshtejnin me nga një gol për çdo pjesë me Verner e Sane. Por surpriza e madhe është Armenia që e kryeson grupin J me 10 pikë e Gjermania ka një më pak pas 4 ndeshjeve të para kualifikuese./ Përgatiti Andi Kapxhiu

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tjetri: 03/09/2021 13:00

    Po per Kosoven qe fitoj me Georgjin nuk ke ndonje fjale?

    Përgjigju
  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

Qeveri teknike? Braçe i prerë me opozitën: Koha kur pushtetet vendoseshin në tavolinë ka marrë fund! Te ‘Dezinformimi’ nuk i marr me zor

Qeveri teknike? Braçe i prerë me opozitën: Koha kur pushtetet vendoseshin në tavolinë ka marrë fund! Te ‘Dezinformimi’ nuk i marr me zor

22 Korrik, 18:32