I ftuar në emisionin e mëngjesit “Rreze Dielli” në Report TV, me moderatore Androniki Kolka, ishte Miron Çako përgjegjësi i Zyrës së Katekizmit në Kishën Ortodokse Autoqefale të Shqipërisë. Ai foli për simbolet, ritualet dhe bestytnitë e festave të fundvitit, duke rrëzuar disa mite të pavërteta.
“Ka shumë fiksime që bëhen supersticione, të cilat shpesh janë dhe qesharake pasi nuk vëmë logjikën në punë” e nis kështu bisedën teologu i njohur, duke shtuar se shumë simbolika vijnë nga paganizmi, si psh pema e vitit të ri dhe topat, që në thelb nuk ka të bëjë fare me besimin, por me rite pagane.
Tek ritet që njerëzit bëjnë shpesh janë dhe gatimi i thjerrëzave që i shohim si simbol të pjellorisë, por në fakt janë thjesht bestytni të lashta, siç është përdorimi i hudhrës, shega, monedha apo i patkojt e kalit, që nuk kanë asnjë kuptim sipas teologut.
”Kur u vu patkoi për herë të parë tek kuajt, u pa që kali punonte më mirë dhe u shtua prodhimi, e më pas nisi miti i fatit” tha Mironi në studio, duke shtuar se këto elemente dhe simbole mund të kthehen kundër, përçojnë energji si dhe përdoren edhe për të bërë magji. Sipas Mironit, i vetmi simbol që njihet nga besimtarët është kryqi, ndërsa të gjithë simbolet e tjera nuk kanë asnjë vlerë. I pyetur nga moderatorja sesi kuptohet kur dikush ka bërë magji, teologu u shpreh “Kur njeriu del nga normaliteti dhe kupton që diçka e mbisundon, e kontrollon, atëherë kemi të bëjmë me magji”.
Duke iu referuar mallkimit, teologu shtoi se mallkimi është të vrasësh dikë me fjalë dhe se forma më e rëndë e mallkimit është ajo që bën prindi ndaj fëmijës dhe se mallkimi nuk zë nëse është i padrejtë. Duke vazhduar me simbolet, Mironi shtoi se çelësi që përdoret për të hapur fatin, është një instrument okult nga ata që e përdorin, por falë Zotit që e mban në kontroll situatën, gjërat nuk dalin nga kontrolli. Më pas ai u ndal tek simboli i taoizmit, e mira dhe e keqja, që sipas tij është një koncept i gabuar jo fetar. Një tjetër simbol i përdorur është dhe ylli me pesë cepa që e përdorin dhe okultistët, por që nuk ka asnjë fuqi mbi fatin apo besimin. Në fund të bisedës Mironi foli dhe për “ditët e tersit”, që sipas tij nuk ekzistojnë, pasi të gjitha ditët janë ditët e Zotit dhe nuk ka ditë ku fati ynë mund të pengohet.
”Dita e martë është vendosur si ditë “tersi” pasi është pushtuar Kostandinopoli, e nuk ka lidhje me fatin” tha teologu, duke nënvizuar se fati është i njohur, por jo i shkruar dhe kur ne ndjekim besimin pa u larguar planeve të Zotit, fati ynë shkruhet i mbarë, sipas vullnetit të tij.
Lajme të tjera
-
Ja ç’do ndodhë në Dhjetor! Lëvizje të forta planetare, Jorgo Pulla paralajmëron shenjat…/ Horoskopi për muajin Dhjetor
25 Nëntor, 15:54 -
Lakra ‘bomba’ që vret sëmundjet, Altin Joka: Magjia e lakrës nëse e përdorim rregullisht/ Disa kombinime për kura specifike
20 Nëntor, 17:00 -
Mjalti, shëruesi i madh i 216 sëmundjeve, Altin Joka: Si të përdoret pa humbur vlerat / Provat e pagabueshme, si të dallojmë mjaltin pa hile
20 Nëntor, 16:33 -
‘Kujdes nga skandalet, çdo gjë shihet me lupë’, Jorgo Pulla paralajmëron… /Horoskopi javor 18-24 nëntor
18 Nëntor, 13:57 -
Ylli Merja prezanton 'frutin magjik' insulinë natyrale e diabetikëve/ Shenjat e hershme të diabetit dhe regjimi ushqimor
11 Nëntor, 16:28 -
Mundësi ideale në punë! Ja shenjat që përfitojnë…/Horoskopi javor 11-17 nëntor nga Jorgo Pulla
11 Nëntor, 13:12 -
Mos i neglizhoni miomat/ 'Mishi i huaj' në mitër, ja si të shpëtoni pa kirurgji me kurën nga Ylli Merja
4 Nëntor, 16:30 -
Ndryshime kolosale këtë javë/ 'Alarm shenjat e ...' Horoskopi 4-10 nëntor nga Jorgo Pulla
4 Nëntor, 13:28 -
Supë me mish qengji nga gazetarja Admirina Peçi
31 Tetor, 11:47 -
Sallatë e egër me lëng shege nga Admirina Peçi
31 Tetor, 11:40 -
Hasude me arra sipas traditës matiane nga Admirina Peçi
31 Tetor, 11:34 -
‘Pa to, nuk kemi jetë’, Ja zakonet që po ju dëmtojnë veshkat / Altin Joka tregon ushqimet dhe bimët më të mira për shëndetin e veshkave
30 Tetor, 16:30
