POP 5

Lajmet më të lexuara të 5 minutave të fundit

Opinion

Kujdes, kujdes nga banania!

Bananja nga një frut i ndaluar është kthyer në frutin më të pëlqyer për konsumatorët shqiptarë dhe sipas lajmeve të fundit jo vetëm për konsumatorët!

Kujdes, kujdes nga banania!

Foto ilustruese

Bananja nga një frut i ndaluar është kthyer në frutin më të pëlqyer për konsumatorët shqiptarë dhe sipas lajmeve të fundit jo vetëm për konsumatorët!

Sipas doganave në Shqipëri janë 47 firma që merren me import bananesh. Shifra merr kuptim më të plotë kur i vendos përballë numrit 10  të kompanive që merren me import gruri dhe mielli.  Pra 47 firma importuese të bananes dhe 10 të miellit dhe grurit!

Ne konsumojmë 7.3 kilogram banane për frymë, ndërkohë që në Maqedoninë e Veriut konsumohen vetëm 0.5 kilogram për frymë.

Maqedonasit e kanë konsumuar këtë frut edhe gjatë komunizimit. Mesa duket ne sot kompensojmë mungesën e bananes gjatë periudhës së komunizmit.

Asgjë nuk shijon më shumë se “fruti i ndaluar”! Kjo duket është arsyeja që për konsum ja kalojmë Kinës (2 kilogramë për banorë) dhe vetë Francës që konsumon 7 kilogramë. As Republikat e Bananeve nuk konsumojnë kaq shumë banane!

Marketingu duhet të ketë pjesën e vet në këtë triumf të bananes. Një prej këngëve të njohura në vitet 90 ishte “Bananja” Edhe spotet e tanishme televizive janë mjaft ndjellëse për konsumatorin: “Për një jetë plot energji”; “Bananja fruti magjik”.

Për herë të parë në Europë këtë frut e solli Marco Polo dhe spotet këtu për bananet më shumë se për origjinalitet spikasin për plagjiaturë. Vetë Marco Polo e quajti bananen “Molla e Parajsës”.

Por molla e parajsjës këto vitet e fundit po sjell edhe telashe për importuesit. Aq shumë telashe sa ndonjëherë nuk është e qartë nëse policia sekuestron kokainë mes bananesh apo banane mes kokainës?

Ne i importojmë bananet nga Amerika Latine. Por nëse i hedh një sy statistikave, eksportuesit më të mëdhenj janë gjetkë. Në Indi prodhohet 26% e bananes, në Kinë 10% e gjithë sasisë.

është e çuditshme se pse firmat tona nuk importojnë nga këto dy vende aq më tepër që nga këto dy vende nuk ka kokainë dhe në këtë mënyrë nuk rrezikojnë t’u kompromentohet ngarkesa dhe emri i mirë.

Edhe diçka tjetër: importi nga Kina dhe India është me leverdi ekonomike. Për shembull nëse një arkë me banane në Ekuador është 6.5 USD, po e njëjta arkë me banane në Kinë kushton 3.7 USD dhe në Indi vetëm 3 USD.

Pra ka vende ku bananja mund të blihet më lirë dhe të vij në Shqipëri e pa shoqëruar me probleme që në të shumtën e rasteve dërgojnë në burg shoferë dhe punëtorë ngarkim- shkarkimi. Ndaj siç thoshte teksti i këngës së mirënjohur: “kujdes, kujdes nga banania”.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Shiroka: 03/01/2022 18:59

    Kjo banaking na shet men edhe neper rreklama,si me ken e pikun prej qiellit!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

25 Dhjetor, 18:05