Madje në Mbretërinë e Bashkuar, Seidi ka punuar edhe në radhët e klubit të West Bromwich Albion, ku prej vitit 2012 ka kompletuar nivelin e parë dhe të dytë të trajningut, në kurset e organizuara nga Federata Angleze e futbollit.
Drejtori i ri i marketingut me prejardhje nga Afrika e ka bindur presidentin Safet Gjici me projektet e paraqitura, të cilat tashmë pritet të vihen në zbatim. Emërimin e Causo Seidi, te Kukësi e kanë cilësuar një lëvizje të rëndësishme në procesin e modernizimit të strukuturave të klubit dhe përthithjen e ideve europiane në hallkat e administratës.
Eksperienca e tij në futbollin anglez dhe te West Bromwich Albion në veçanti, vlerësohen si një hap i rëndësishëm përpara për klubin, që përveç rezultateve të rëndësishme sportive në vend dhe në arenën ndërkombëtare, tashmë kërkon të forcojë edhe markën e klubit jashtë fushave të lojës.
Redaksia Online
Al.N/Shqiptarja.com