Kukës, dhunonte nënën e tij, vëllai plagos me thikë të vëllanë për ta mbrojtur, arrestohet

Një person është arrestuar pasi ka plagosur me thikë vëllanë e tij, në përpjekje për të mbrojtur nënën e tij, e cila dhunohet nga i biri. Ngjarja ka ndodhur në Krumë të Kukësit mëngjesin e sotëm.

Dhuna e vazhdueshme që 27-vjeçari S.H. ushtronte ndaj nënës së tij, ka bërë që i vëllai R. H., ta plagosë atë me thikë. Pas plagosjes me thikë S. H., 27 vjeç, është paraqitur në spital i plagosur duke thënë se  ishte vetëplagosur në banesën e tij. 

 Kjo duket se nuk ka bindur mjekët dhe kanë thirrur policinë që pas hetimeve ka rezultuar se S. H. ishte plagosur me mjet prerës thikë nga vëllai i tij, shtetasi R. H., pasi dhunonte të ëmën.

Pas zbardhjes së ngjarjes, policia ka arrestuar të vëllan e të plagosurit R.H., i cili shoqërohej së bashku me shtetasin G. B. Gjatë kontrollit fizik, shtetasit G. B. iu gjet dhe sekuestrua mjeti prerës (thikë), me të cilin dyshohet se është plagosur 27-vjeçari. 

Të dy personat janë arrestuar për sqarimin e plotë të rrethanave të ngjarjes.

Thika me të cilën është plagosur 27-vjeçari

I.K./Shqiptarja.com
  • Sondazhi i ditës:

    A duhet të hetohen gjyqtarët e prokurorët e larguar nga Vettingu?

Komento


×

Lajmi i fundit

John

Euro 2020/ Historia nuk prodhon gola, Anglia dhe Skocia ndahen në 'paqe'! 'Tre Luanët' humbasin vendin e parë