Kukës,protesta e pazakontë e fermerit
i fal lopën Ministrisë së Bujqësisë

Një fermer kuksian ka gjetur një mënyrë të veçantë për të kundërshtuar neglizhencën e Drejtorisë së Bujqësisë në Kukës për trajtimin e sëmundjes së gjedhit, Dermatoza Nodulare që ka prekur në masë bagëtitë në këtë zonë.
 
Sokol Tërshalla paraditen e kësaj të hënë ka çuar lopën e sëmurë në drejtorinë rajonale të Bujqësisë dhe e ka lidhur në derën e këtij institucioni.
 
Pas këtij veprimi Tërshalla u shpreh se lopën  ia jep Ministrisë së Bujqësisë, pasi ai nuk ka mundësi që ti trajtojë sëmundjen. 

“E ka kapur sëmundja lopën, nuk ka ardhur njeri që ta vizitojë. Para një jave kam marrë ilaçe privatisht, nuk janë duke dhënë efekt. Nuk kam mundësi që ta ruaj në shtëpi. E kam sjellë këtu në drejtori dhe t’ia çojë Panariti. Dikush më thotë shëndoshet e dikush jo, ndaj i’ua kam sjellë këtu. Ta ruajnë këto, ta ruajnë këta. Nuk kam ku ta çoj, ta mbajnë këtu’ tha fermeri.

Sipas Tërshallës shërbimi veterinar nuk po e ndihmon për shërimin  bagëtisë së sëmur. Sipas tij gjatë vaksinimit, veterinerët nuk kanë respektuar rregullat dhe për më tepër ata nuk u përgjigjen kërkesave të fermerëve për përballimin e kësaj sëmundje. 

Redaksia Online
(F.T/shqiptarja.com)