POP 5

Lajmet më të lexuara të 5 minutave të fundit

Kronikë

Kukës/ Tentoi që të kalonte 59 emigrantë të paligjshëm, policia i vihet në kërkim të riu! Në pranga babai i tij, theu arrestin e shtëpisë për të korruptuar policin

Sipas policisë, në kuadër të operacionit Tentativa u vu në pranga shtetasi B. M., 53 vjeç dhe u shpall në kërkim djali i tij, shtetasi G. M., 18 vjeç, të dy banues në Kukës

Kukës/ Tentoi që të kalonte 59 emigrantë të paligjshëm, policia i vihet në kërkim të riu! Në pranga babai i tij, theu arrestin e shtëpisë për të korruptuar policin

KUKËS- Një i ri në Kukës është shpallur në kërkim nga policia, pasi po tentonte që të kalonte 59 emigrantë të paligjshëm në pikën kufitare të Morinës, ndërsa është arrestuar babai i tij i cili po e ndihmonte.

Sipas policisë, në kuadër të operacionit Tentativa u vu në pranga shtetasi B. M., 53 vjeç dhe u shpall në kërkim djali i tij, shtetasi G. M., 18 vjeç, të dy banues në Kukës.

18-vjeçari transportonte me një automjet tip furgon, kundrejt fitimit, 59 emigrantë nga vendet e treta, me qëllim kalimin e paligjshëm të kufirit. Ky shtetas ka mundur të largohet, duke përfituar nga errësira. Vijon intensivisht puna për kapjen e tij.

Ndërsa B. M., babai i 18-vjecarit, ka thyer masën e sigurisë “Arrest në shtëpi”, të caktuar nga Gjykata, për veprën penale “Dhënia ndihmë për kalim të paligjshëm të kufirit” dhe ka tentuar të korruptojë punonjësit e Policisë, duke iu ofruar rreth 2000 euro, me qëllim që të mos kryenin veprime procedurale për këtë rast.

Gjatë kontrollit fizik, këtij shtetasi iu gjetën 11460 euro dhe 5000 lekë, të dyshuar të përfituar në këtë veprimtari kriminale, të cilat u sekuestruan në cilësinë e provës materiale, së bashku me automjetin. 

Në përfundim të veprimeve, u bë arrestimi në flagrancë i  shtetasit B. M dhe shpallja në kërkim e djalit të tij, shtetasit G.M.

Materialet i kaluan Prokurorisë pranë Gjykatës së Rrethit Gjyqësor Kukës, për veprime të mëtejshme.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Sali Berisha: Do heqim mesataren për pranimin në universitete! Studentët do marrin 200 euro çdo muaj

Sali Berisha: Do heqim mesataren për pranimin në universitete! Studentët do marrin 200 euro çdo muaj

17 Dhjetor, 22:51