Kampionët në fuqi festuan para kohe ndërsa verilindorët mbeten të pamposhtur. Në një stadium të mbushur plot është skuadra e Ilir Dajës ajo që merr frenat e lojës në dorë dhe shënon shumë shpejt.
Pas një aksioni të bukur në minutën e 14-të Liridon Latifi shënon mjaft bukur duke mposhtur me mjeshtëri portierin Koliçi. Më pas Skënderbeu kontrollon gjithçka ndërsa Kuëksi duket i pafuqishëm.
Kur në Korçë po bëhej gati festa, Kale i futur në pjesën e dytë i ngrin buzëqeshjen skuadrës korçare.
Në minutën e 89-të brazilini i Kukësit shënon një super gol duke e mbyllur ndeshjen në barazim 1-1. Në fund festa është për miqtë nga Kukësi që mbeten të parët në kuotën e 52 pikëve.
Skënderbeu ngjitet përkohësisht i dyti me 50 pikë. Të shtunën Partizani ka mundësi të arrijë Kukësin pasi Korabi duket një kundërshtar mëse i kalueshëm ndërsa takimi tjetër është dueli për mbijetesë Laçi-Flamurtari.
Redaksia Online
l.q/Shqiptarja.com