Presidenti Gjici është parë mëse i kënaqur në përfundim të ndeshjes, saqë ka njoftuar se hyrja në stadium për ndeshjen mes Kukësit dhe Lacit për takimin e Superiores ditën e nesërme do të jetë falas.
Eventi i përvitshëm organizuar nga Federata Shqiptare e Futbollit në kuadër të festës së Pavarësisë, u organizua në një ditë të vetme në stadiumin "Selman Stermasi" në Tiranë, me pjesëmarrjen e skuadrave të "Otrant" e Ulqinit, "Shkëndija" e Tetovës, "Prishtina" dhe "Kukësi".
Në dy gjysmëfinalet e para Prishtina mposhti me rezultatin minimal 0-1 Otranton e Ulqinit ndërsa Kukësi mundi 1-3 ekipin e Shkëndisë së Tetovës.
Skuadra e Ernest Gjokës triumfoi në sfidën finale duke mposhtur Prishtinën me rezultatin 0-2 falë golave të realizuar nga Moriera dhe Lushtaku.
Për dy ekipet finaliste u shpërndanë medaljet, ndërsa u ndanë dhe tre çmime te tjera.
Lojtari më të mirë i turneut u shpall Gentrit Bejgolli i ekipit të Prishtinës ndërsa çmimi për skuadrën “Fair-Play” të këtij turneu i’u dha ekipit të Shkëndijës së Tetovës.
Redaksia Online
K.M/ Shqiptarja.com