POP 5

Lajmet më të lexuara të 5 minutave të fundit

Sport

Kukësi-Vllaznia pa spektakël, trajneri i shkodranëve: 1 pikë ishte qëllimi, na pret një ndeshje e vështirë me Tiranën

Sfida mes Kukësit dhe Vllaznisë nuk ka prodhuar fitues, pasi në Elbasan Arena 90 minutat përfunduan 0-0, por shkodranët në fund deklaruan se janë të kënaqur me pikën e fituar. Sipas trajnerit Brdaric shkodranët duhet të rikuperojnë energjitë pasi i pret një ndeshje shumë e vështirë kundër Tiranës kryesuese.

Pritej një sfidë e ndezur, duke qenë se dy skuadrat ndanin vendin e tretë me pikë të barabarta, por Kukësi-Vllaznia është mbyllur me shifrat e bardha 0-0. Një rezultat që përligj atë që loja prodhoi, por te Vllaznia pohojnë se ky ishte qëllimi.

“Kishim shumë mungesa dhe luanim jashtë fushe. Qëllimi minimal ishte të merrnin një pikë në transfertë dhe për këtë ia dolëm. Nëse duam që të ngrihemi më lart në renditje duhet të luajmë më mirë në fazën sulmuese,"-deklaroi Thomas Brdaric, trajner i Vllaznisë.

Javën e ardhshme shkodranët përballen me Tiranën kryesuese, në atë që cilësohet si derbi i Shqipërisë.

“Pikë së pari luajmë në shtëpi dhe do jetë një ndeshje tjetër. Kemi kohë për ta përgatitur, por pasi të rikuperohemi duhet të mendojmë me detaje për Tiranën pasi është një ndeshje shumë e fortë,”-u shpreh Thomas Brdaric, trajner i Vllaznisë

Pas 24 javësh kampionat si Kukësi dhe Vllaznia janë me kuotë të barbartë pikësh 39.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

25 Dhjetor, 15:03