Kulla ‘Mali i Tiranës’, Basha i përgjigjet Ramës: Sa më shumë bashkëpunëtorë në burg, aq më të gjata hartimet! Vetting në politikë

 

Kreu i PD-së, Lulzim Basha i është përgjigjur kryeministrit Rama për kullën Mali i Tiranës. Basha thotë se një zgjidhje është Vettingu në politikë të cilën PD e ka propozuar shumë herë.

“Sa më shumë zgjatet lista e bashkëpunëtorëve të tij të ngushtë që janë në burg, arrati apo nën hetim për shkak të makutërisë me të cilën është mbrujtur qeverisja e tij, aq dhe më të gjata bëhen hartimet e Ramës. Por atë që nuk e thotë dot me pak fjalë, nuk ka shans ta mbulojnë fjalët shumë e për lumë.

LEXO EDHE:
Rama në Theth: Destinacion evropian! ‘Paketa e Maleve’ mbështetje e re për vendasit që duan të investojnë në tokën e të parëve

Meqë mali i korrupsionit në qendër të Tiranës i duket si një “mullar balte”, ka një zgjidhje shumë të thjeshtë për të ndarë të vërtetën nga balta: Veting në politikë.

Kur është i mirë për gjyqtarët, prokurorët, policët, pse të mos jetë i tillë edhe për politikanët?!

Propozimi i Partisë Demokratike është në Parlament, mjafton vullneti politik për ta miratuar. Me këtë rast u kursejmë qytetarëve andrallat e njëpasnjëshme të cirkut 33 vjeçar, pas të cilave fshihet frika nga e shkuara e atyre që ndonëse e kërkojnë votën për t’i shërbyer njerëzve, i kanë shërbyer vetëm interesave personale dhe klientelës oligarkike.”- shkroi Basha.

Lajmi kryesor:

Kulla 'Mali i Tiranës', Rama shpotit Bashën: Derdimen i sapozgjuar, me bluzën e jeshilosur nga djersa e gjumit të stërgjatë, ama me flokët pikë

G.MO/r.k./Shqiptarja.com

TAG:
• lulzim basha
• edi rama
• kulla mali i Tiranes