POP 5

Lajmet më të lexuara të 5 minutave të fundit

Politikë

Lajme nga emisionet

Kulluri: Berisha po bën zgjedhjet në degë pa pjesëmarrje! Klosi: Luftë SHBA-së për paratë e familjes! Shabani: Mesazhi i Eskobar, për të 'dëshpëruarit' që i shkojnë atij nga pas

Gara për krerët e PD-së në rrethe, për Edvin Kullurin është një tregues i qartë që Sali Berisha është i bindur se ai nuk e ka shumicën në parti. Në emisionin 'Repolitix' në Report Tv të gazetarit Denis Minga, Kulluri, i cili ka shpallur kandidaturën për të marrë drejtimin e demokratëve, tha se nëse Berisha do të ishte i sigurt nuk do të nxitonte, siç ka bërë deri më tani.   

TIRANË- Gara për krerët e PD-së në rrethe, për Edvin Kullurin është një tregues i qartë që Sali Berisha është i bindur se ai nuk e ka shumicën në parti. Në emisionin 'Repolitix' në Report Tv të gazetarit Denis Minga, Kulluri, i cili ka shpallur kandidaturën për të marrë drejtimin e demokratëve, tha se nëse Berisha do të ishte i sigurt nuk do të nxitonte, siç ka bërë deri më tani.   

"Nëse Berisha do ndiheshe i sigurt që do ishte shumicë, nuk do nxitonte të bënte zgjedhjet, nuk ka siguri, 4 palë zgjedhje të humbura, nuk është vetëm Basha, por edhe anëtarët e Komisionit të Rithemelimit", tha Kulluri.

Në të njëjtën linjë të mendimit ka qenë edhe përfaqësuesi i 'Bindjes Demokratike', Fabian Topollaj, i cili tha se Berishës i duhet partia në betejën e tij kundrejt SHBA-së. Ai thekson se Berisha nuk e ka në objektivin e tij rikthimin e PD-së në pushtet.

"Berishës i duhet PD kaq sa është dhe si është, qëllimi i Berishës nuk është pushteti, atij i duhet marrja e PD dhe ai e ka marrë", tha Topollaj.

Aksionin politik që ish-kryeministri ka ndërmarrë pas shpalljen 'Non Grata', ish-kreu i SHISH, Fatos Klosi e argumenton se është "ëndrra" e Berishës që të bëhet hero kombëtar, por është një gabim. Madje, ai shkon edhe më tej, duke thënë se e gjithë këtë "luftë me Amerikën", po e bën për pasurinë e familjes së tij.

"Ka pasur ëndrra të mëdha për të mbetur hero kombëtar, solli demokracinë, rrëzoi sistemin, përralla, janë por për aq kohë sa i beson populli, pastaj ai ka familjen, ka djalin, vajzën me shumë para, e bëri për të treguar që Amerika kanë gabuar", tha Klosi.

Mirëpo, Endri Shabani, nga 'Nisma Thurje', tha se Berisha nxitet nga demokratët që i shkojnë pas "si të verbër", dhe sipas tij pikërisht për "këta që i shkojnë nga pas", ka qenë edhe mesazhi i dërguarit për Ballkanin Perëndimor, Gabriel Eskobar.

"Kurajo e Berishës buron nga dëshpërimi i atyre që i shkojnë nga pas, politikan që nuk duan të ikin nga pushteti është normale, po në vendet e tjera presioni është i madh, sa ikën vet. Berisha ka ndërtuar një bunker, këta kanë qëllim vetëm të pasurojnë veten e vet, ai thotë unë kam çetën time, do luftoj te bunkeri dhe do luftoj deri në momentin e fundit, problemi nuk është me Berishën që ka marrë çiften, problemi është i këtyre tjerëve që vriten te bunkeri i Berishës dhe PD po komunikon pikërisht me këta, edhe Berisha dhe Basha kanë humbur, këta do e lënë Ramën edhe 4 vite të tjera dhe ata gëzohen se mori bunkerin", tha Shabani.

Sot, Eskobar në një intervistë për mediat greke, duke u ndalur te situata në PD,  tha se demokratët, por edhe populli shqiptar duhet të refuzojnë të shkuarën (referuar Berishës), në mënyrë që të mos rikthehen “ditët e këqija”. 

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Trrnakop Kacuja: 15/04/2022 04:01

    Influenca e Berishes u pa ne 11 Dhjetor 2021 kur mbushi sradiumin Air Albania gati plot e perplot kurse Basha ne 18 Dhjetor nuk arriti ta mbushe sallen e Pallatit te Kongreseve por deklaronte se ne salle ishin mbi 10000 vete kur kapaciteti i salles eshte 2500 veta.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Bashar Al-Assad rrezikon gjykimin për krime ndaj njerëzimit në Gjykatën Penale Ndërkombëtare

Bashar Al-Assad rrezikon gjykimin për krime ndaj njerëzimit në Gjykatën Penale Ndërkombëtare

25 Dhjetor, 14:16