TIRANË- Edvin Kulluri, ish-anëtari i Kuvendit Kombëtar në Partinë Demokratike ka sulmuar Lulzim Bashën pas vendimit të tij individual për përjashtimin e Sali Berishës nga Grupi Parlamentar. Përmes një postimi në ‘Facebook’, Kulluri e cilëson Bashën si një burracak që ka përçarë partinë duke e kthyer në një ‘shërbëtore’ të interesave të tij.
Ashtu siç Berisha ka ngritur dyshime për një marrëveshje Rama-Basha, Kulluri shkruan se tashmë as Rama nuk e mbron dot kreun e PD-së për të legjitimuar kërkesën e tij për përjashtimin e Berishës.
Mes të tjerave Kulluri i tregon Bashës që ai ka ardhur në krye të Partisë Demokratike pa merita, e nsiur nga kjo thotë se i njëjti dunf e pret. Kulluri është i bindur që në 8 vite të Bashës në krye të PD ka bërë çdo ‘maskarallëk’ për të mbajtur karrigen e tij, por pavarësisht kësaj Kulluri thotë se këtë veprime do t’i kthehen në boomerang.
"I vetmi kryetar partie në Evropë e botën demokratike që nuk përfaqëson shumicën e anëtarëve të partisë së tij është Lulzim Basha! Parullës se “politikanit perëndimor” i ka dalë boja prej 4 vitesh! Lulzim Basha nuk ka bërë asnjë debat me kundërshtarët e tij as ne Kryesi, as në Këshill Kombëtar e as në takimet në degët e PD në zgjedhjet për kryetar në 2017 dhe 2021!
Çdo vendim ose e imponon në forumet që i emëron vetë pa garë, ose e shpall pa asnjë vendim forumesh! Kjo e ka rrënuar imazhin e PD si një parti demokratike dhe e hapur duke e dënuar me opozite te përjetshme nën ketë model! Edhe me Berishën natyrisht do bëjë të njëjtën gjë! Nxjerr të flasin ca eunukë te importuar nga njëfarë cili, ose nga familja e tij. Nuk ka këllqe të përballet në asnjë forum apo takime në bazë me të. Njëherë fshihet pas frazave te tipit “me falni se nuk e bej me” ose “ma kërkuan SHBA” që në fakt nuk i ka dëgjuar as në 2017 e as në 2019 kur i kërkuan te mos destabilizonte vendin për kapriciot e tij!
Ky njeri është një burracak që e ka përçare PD në shërbëtore te tij dhe “armiq imagjinare”, ndërkohë që nuk jep llogari për asnjë dështim e vendim anti-demokratik. Por kësaj maskarade i ka ardhur fundi! Boll më! Tani nuk fshihet dot më pas asnjë gënjeshtre apo kulise. Demokratët që kanë mbështetur kritikët në parti e tashmë edhe Berishën janë shumicë absolute me të cilët Basha e ka të humbur betejën!
Në demokraci shumicën mund ta përdorësh por nuk e mund dot duke u fshehur pas vulës se kryetarit e ca individëve që kanë 8 vite që kanë humbur çdo betejë elektorale. Ma djem e vajza bashkëpunëtoresh të Sigurimit te Shtetit nga Durresi, Tirana e Elbasani nuk përballesh dot me shumicën e demokrateve Lulzim! E as Rama nuk te mbron dot, duke miratuar kërkesat e tua për përjashtimin e Berishës nga Grupi Parlamentar.
Si çiban erdhe ne PD e si çiban do hiqesh. Është fati yt pasi i tille ke lindur! Balzaku thoshte se “pas çdo karriere të pamerituar qëndron një maskarallëk i madh”! Ti kaq je! E kështu do largohesh si viktime e fatit tënd prej maskarai", shkruan Kulluri.
Edvin Kulluri është një nga anëtarët e Grupit për PD, që ia janë bashkuar Sali Berishës në turin që ka ndërmarrë në Bazën e partisë për t’i ‘rikthyer’ PD-së sovranitetin. Ai sëbashku me anëtarët e tjerë kërkojnë largimin e Lulzim Bashës nga partia, duke e quajtur vendimin e tij anti-statutor.
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01
