Kultivonin kanabis, arrestohen 3 persona në Lezhë! Iu gjetën edhe armë e radio marrëse si ato të policisë

Dy persona kanë rënë në prangat e Policisë ditën e sotme në Lezhë, të akuzuar për kultivim të bimëve narkotike dhe armëmbajtje pa leje. Mësohet se në pranga kanë rënë Kledison Gjeci, banues në Bulshar dhe Drilon Nika, banues në Thumanë.

Me një njoftim për mediat, Policia bën me dije se ata në bashkëpunim me njëri-tjetrin, në vendin e quajtur "Bulshar”, në një serë, kishin kultivuar në kubikë dhe në tokë fidanë narkotike kanabis.

Gjatë kontrollit të ushtruar nga Policia në një ambient që këta persona kishin përshtatur për strehim, u gjetën dhe sekuestruan 2 armë zjarri automatikë, 2 radio marrëse-dhënëse si ato të Policisë dhe pajisje të ndryshme elektrike që shërbenin për kultivimin e bimëve narkotike. 

Vijon puna për identifikimin dhe kapjen e autorëve të tjerë të implikuar në këtë aktivitet kriminal.

Materialet procedurale u referuan në Prokurorisë pranë Gjykatës së Shkallës së Parë Lezhë, për veprat penale “Kultivim i bimëve narkotike” kryer në bashkëpunim dhe "Armëmbajtja pa leje".

TAG:
• Lezhe
• mirdite
• Arrestime
• kultivim kanabisi